କନକ ବ୍ୟୁରୋ: ସାରା ଦେଶରେ କରୋନା ସଂକ୍ରମଣ ଉଦବେଗଜନକ ଭାବେ ବଢିବାରେ ଲାଗିଛି । ଦୈନିକ ସଂକ୍ରମଣ ଏକ ଲକ୍ଷରୁ ଅଧିକ ଚିହ୍ନଟ ହେବା ପରେ ରାଜ୍ୟ ସରକାରଗୁଡିକ ଚିନ୍ତାରେ ପଡିଛନ୍ତି । ଅନ୍ୟପଟେ ସଂକ୍ରମଣର ଚେନ ଭାଙ୍ଗିବାକୁ ୧୦ ରାଜ୍ୟରେ ନାଇଟ କର୍ଫ୍ୟୁ ଲାଗୁ ହୋଇଛି । ଆସନ୍ତୁ ଦେଖିବା, କେଉଁ ରାଜ୍ୟରେ କେତେ ନାଇଟ କର୍ଫ୍ୟୁ ଓ କେଉଁଠି ଲକଡାଉନ ଲାଗୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
- ଦିଲ୍ଲୀରେ ରାତି ୧୦ଟାରୁ ସକାଳ ୮ଟା ଯାଏଁ ନାଇଟ କର୍ଫ୍ୟୁ । ଏପ୍ରିଲ ୩୦ ତାରିଖ ଯାଏଁ ଦିଲ୍ଲୀରେ ନାଇଟ କର୍ଫ୍ୟୁ ବଳବତ୍ତର ରହିବ
- ମହାରାଷ୍ଟ୍ରରେ କେବଳ ଶନିବାର ଓ ରବିବାର ରାତି ୮ଟାରୁ ସକାଳ ୭ଟା ଯାଏଁ ନାଇଟ କର୍ଫ୍ୟୁ ଜାରି ରହିବ
- ପଞ୍ଜାବର ୧୧ଟି ଜିଲ୍ଲାରେ ରାତି ୯ଟାରୁ ସକାଳ ୫ଟା ଯାଏଁ ଏପ୍ରିଲ ୩୦ ତାରିଖ ଯାଏଁ ରାତି କର୍ଫ୍ୟୁ ବଳବତ୍ତର ରହିବ
- ରାଜସ୍ଥାନର ୧୦ଟି ସହରରେ ରାତି ୯ଟାରୁ ସକାଳ ୫ଟା ଯାଏଁ ଜାରି ରହିବ ନାଇଟ କର୍ଫ୍ୟୁ
- ଓଡିଶାର ୧୦ଟି ଜିଲ୍ଲାରେ ରାତି ୧୦ରୁ ସକାଳ ୫ଟା ଯାଏଁ ନାଇଟ କର୍ଫ୍ୟୁ ଲାଗୁ ହେବ । ଏପ୍ରିଲ ୩୦ ଯାଏଁ ନାଇଟ କର୍ଫ୍ୟୁ କଟକଣା ବଳବତ୍ତର ରହିବ
- ଗୁଜୁରାଟର ୨୦ଟି ସହରରେ ରାତି ୮ଟାରୁ ସକାଳ ୬ଟା ଯାଏଁ ନାଇଟ କର୍ଫ୍ୟୁ । ଏପ୍ରିଲ ୩୦ ତାରିଖ ଯାଏଁ ଏହି କଟକଣା ବଳବତ୍ତର ରହିବ
- ଛତିଶଗଡର ରାୟପୁର ଓ ଦୁର୍ଗ ସହରରେ ୯ ତାରିଖରୁ ୧୯ ତାରିଖ ଯାଏଁ ଲକଡାଉନ ଘୋଷଣା କରାଯାଇଛି
- ମଧ୍ୟପ୍ରଦେଶର ସମସ୍ତ ସହରରେ ରାତି ୯ଟାରୁ ସକାଳ ୬ଟା ଯାଏଁ ନାଇଟ କର୍ଫ୍ୟୁ କଟକଣା ଲାଗୁ
- ଝାଡଖଣ୍ଡରେ ଏପ୍ରିଲ ୩୦ ତାରିଖ ଯାଏଁ ରାତି ୮ଟାରୁ ସକାଳ ୬ଟା ଯାଏଁ କଟକଣା ବଳବତ୍ତର ରହିବ
- ଉତ୍ତରପ୍ରଦେଶର ୪ଟି ଜିଲ୍ଲାରେ ରାତି ୧୦ଟାରୁ ସକାଳ ୬ଟା ଯାଏଁ ରାତି କର୍ଫ୍ୟୁ ବଳବତ୍ତର