ବିଏମସି ଅଫିସ ଘେରିଲେ ୨୯ ନମ୍ବର ୱାର୍ଡ ବାସିନ୍ଦା, ୪୪ ନମ୍ବର ୱାର୍ଡର କର୍ପୋରେଟରଙ୍କ ଗିରଫ୍ ଦାବିରେ ବିକ୍ଷୋଭ

କନକ ବ୍ୟୁରୋ : ଭୁବନେଶ୍ୱର ମହାନଗର ନିଗମ କାର୍ଯ୍ୟାଳୟରେ ଆଜି ହାଇଡ୍ରାମା ଦେଖିବାକୁ ମିଳିଛି । ୪୪ ନମ୍ବର ୱାର୍ଡର କର୍ପୋରେଟର ଅଜିତ୍ ବେହେରାଙ୍କୁ ଗିରଫ କରିବା ଦାବିରେ ୨୯ ନମ୍ବର ୱାର୍ଡର ଲୋକମାନେ ଆଜି ବିଏମସି ଅଫିସ ଘେରାଉ କରିବା ସହ ୪ ନମ୍ବର ଗେଟ୍ ଭାଙ୍ଗି ବିଏମସି କାର୍ଯ୍ୟାଳୟ ଭିତରକୁ ପ୍ରବେଶ କରି ବିକ୍ଷୋଭ କରିଛନ୍ତି । ସେମାନେ ଦାବି କରିଛନ୍ତି କି, ୪୪ ନମ୍ବର ୱାର୍ଡର କର୍ପୋରେଟର ଅଜିତ୍ ବେହେରା ଯେଉଁ ଭୁଲ କରିଛନ୍ତି ସେଥିପାଇଁ ସେ ୨୯ ନମ୍ବର ୱାର୍ଡର କର୍ପୋରେଟର ଜୀବନ ରାଉତଙ୍କୁ ଭୁଲ ମାଗନ୍ତୁ । ଏହାସହ ତାଙ୍କୁ ଗିରଫ କରାଯାଉ । ଜୀବନ ରାଉତଙ୍କ ଶହ ଶହ ସମର୍ଥକ ଆଜି ଏହି ଦାବିରେ ବିଏମସି ଅଫିସ ଭିତରେ ପଶି ହୋ ହାଲ୍ଲା କରିଛନ୍ତି ।