କୁଖ୍ୟାତ ଅପରାଧୀ ଅନନ୍ତ ପଟ୍ଟନାୟକଙ୍କୁ ସଂଘବଦ୍ଧ ଆକ୍ରମଣ କରି ହତ୍ୟା । ପୋଲିସର ତଦନ୍ତ ଜାରି

କନକବ୍ୟୁରୋ: କୁଖ୍ୟାତ ଅପରାଧୀ ଅନନ୍ତ ପଟ୍ଟନାୟକକୁ ନିର୍ମମ ହତ୍ୟା ।  ଗଞ୍ଜାମ ସେରଗଡ଼ ଥାନା ବନ୍ଧାଗୁଡା ହାଇସ୍କୁଲ ନିକଟରେ ଅନନ୍ତ କୁ ସଂଘବଦ୍ଧ ଆକ୍ରମଣ କରି ହତ୍ୟା କରାଯାଇଛି ।  ଅନନ୍ତ ମୋଟର ସାଇକେଲ ଯୋଗେ ଘରକୁ ଯାଉଥିବା ବେଳେ ୩ଜଣ ଯୁବକ ଏକ ବୋଲେରୋରେ ଆସି ସଂଘବନ୍ଧ ଭାବେ ଆକ୍ରମଣ କରିବା ସହିତ ହତ୍ୟା କରିଥିବା ଜଣାପଡିଛି  । ଘଟଣା ସ୍ଥଳରୁ ଖସିଆସିଥିବା ଅନନ୍ତର ଦୁଇ ସହଯୋଗୀ ଥାନାରେ ପହଁଚି ପୋଲିସକୁ ଏ ସମ୍ପର୍କରେ ପୁଲିସକୁ ଖବର ଦେଇଥିଲେ ।

ସେରଗଡ଼ ଥାନା ପୁଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଥିବା ଜଣାପଡିଛି । ଅନନ୍ତ ବିରୋଧରେ ଏନଏସଏ ଲାଗିଥିବା ବେଳେ ଗଞ୍ଜାମର ବିଭିନ୍ନ ଥାନାରେ ପଚିଶରୁ ଉର୍ଦ୍ଧ୍ବ ଅପରାଧିକ ମାମଲା ରହିଥିବା ଜଣାପଡିଛି  । ପୋଲିସ ଆଖିରେ ଧୁଳିଦେଇ ଅନନ୍ତ ନିଜ ଅପରାଧିକ କାର୍ଯ୍ୟକଳାପ  ଜାରି ରଖିଥିବା ବେଳେ ଶେଷରେ ହତ୍ୟାର ଶିକାର ହୋଇଛି । କିଏ ଓ କାହିଁକି ଅନନ୍ତର ହତ୍ୟା କଲେ ତାକୁ ନେଇ ପୁଲିସ୍ ଛାନଭିନ୍ ଆରମ୍ଭ କରିଛି  ।