ମଦ୍ୟପ ପୁଅର ଉନ୍ମତ୍ତ କାଣ୍ଡ, ରାତିରେ ପିଟିପିଟି ବାପା ଓ ମାଆକୁ ହତ୍ୟା

କନକ ବ୍ୟୁରୋ :  ଯେଉଁ ପୁଅକୁ ନାନା କଷ୍ଟ ସହି ଜନ୍ମ କରିଥିଲା ମାଆ, କାନ୍ଧରେ ବସାଇ ମେଳା ବୁଲାଇଥିଲା ବାପା ।  ଆଜି ସେହି ପୁଅ ନିର୍ମମ ଭାବେ କରିଛି ବାପା, ମାଆଙ୍କୁ ହତ୍ୟା। ନିଶାସକ୍ତ ଅବସ୍ଥାରେ ଜନ୍ମକଲା ବାପା ମାଆଙ୍କୁ ହତ୍ୟା କରିଛି ଏହି ମଦ୍ୟପ ପୁଅ । ଏଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା ଧନାପାଳ ଗାଁରେ । ଖବର ପାଇ ଘଟଣା ସ୍ଥଳରେ ପୁଲିସ ପହଂଚି ତନାଘନା ଆରମ୍ଭ କରିଛି । ମୃତକ ହେଲେ ହାଡିବନ୍ଧୁ ସାହୁ ଓ ତାଙ୍କ ପତ୍ନୀ ଶାନ୍ତିଲତା ସାହୁ ।