କନକ ବ୍ୟୁରୋ : ସାମ୍ନାକୁ ଆସିଛି କଟକରେ କାଳୀମେଢ ଭସାଣ ଶୋଭାଯାତ୍ରା ବେଳେ ଗଣ୍ଡଗୋଳ ବେଳର ଦୃଶ୍ୟ । ଭସାଣ ଶୋଭାଯାତ୍ରା ଚାଲିଥିବା ବେଳେ ହଠାତ୍ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା। ଦୁଇ ଗୋଷ୍ଠୀ ମଧ୍ୟରେ ଢେଲା ପଥର ସହ କାଚ ବୋତଲ ମାଡ଼ ହୋଇଛି। ଚୌଧୁରୀ ବଜାର ନିକଟରେ ଏହି ଗଣ୍ଡଗୋଳ ହୋଇଛି। ମେଢ ଅଟକ ରହିବା ଓ ଠେଲାପେଲା ହେବାରୁ ଘଟଣାସ୍ଥଳରେ ପହଂଚିଥିଲା ପୋଲିସ। ଗଣ୍ଡଗୋଳ କରୁଥିବା ଯୁବକଙ୍କୁ ହଟାଇଥିଲା ପୋଲିସ । ଏହି ଘଟଣାରେ ୬ ଜଣ ଆହତ ହୋଇଥିବା ଜଣାପଡ଼ିଛି ।