ଓଡ଼ିଶାରେ ଧରାପଡ଼ିଲେ ଛତିଶଗଡ଼ ମହିଳା ମାଓବାଦୀ: ଆନ୍ତି ମାଡବି ଓରଫ ଲାକେକୁ ଏମଭି ୭୯ କୁର୍ତ୍ତୀ ଜଙ୍ଗଲରୁ ଗିରଫ କଲା ମାଲକାନଗିରି ପୁଲିସ

କନକ ବ୍ୟୁରୋ: ଓଡ଼ିଶାରେ ଧରା ପଡ଼ିଲେ ଛତିଶଗଡ ମହିଳା ମାଓବାଦୀ। ଆନ୍ତି ମାଡବି ଓରଫ ଲାକେକୁ ଗିରଫ କରିଛି ମାଲକାନଗିରି ପୁଲିସ। ଏମଭି ୭୯ ଥାନା କୁର୍ତ୍ତୀ ଜଙ୍ଗଲରୁ ଗିରଫ କରାଯାଇଛି। ମାଓନେତା ଉଦୟଙ୍କ ପ୍ରୋଟେକ୍ସନ ଟିମ୍ ସଦସ୍ୟା ଥିଲେ ଲାକେ। ତାଙ୍କ ନାଁରେ ୨ ଲକ୍ଷ ଟଙ୍କାର ପୁରସ୍କାର ଥିଲା। ୧୧ଟି ଏନକାଉଣ୍ଟର ଘଟଣାରେ ଲକେଙ୍କ ସଂପୃକ୍ତି ଥିବା ପୁଲିସ ପାଖରେ ଅଭିଯୋଗ ରହିଛି। ମାଲକାନଗିରି ତୁଳସି ଓ ଦୁଲଦୁଲି ଅନକାଉଣ୍ଟରରେ ସାମିଲ ଥିଲେ ଲକେ।