Champions Trophy Semifinal: ଭାରତଠୁ ହାରିବା ପରେ ବି ସେମିଫାଇନାଲ ରେସ୍‌ରେ ପାକିସ୍ତାନ । ଏବେ ବାଂଲାଦେଶ ସାହାଭରସା ।

କନକ ବ୍ୟୁରୋ: ଚାମ୍ପିୟନ୍ସ ଟ୍ରଫି ୨୦୨୫ରେ ପାକିସ୍ତାନ ଲଗାତାର ଦ୍ୱିତୀୟ ପରାଜୟ ବରଣ କରିଛି । ଭାରତ ପାକିସ୍ତାନକୁ ୬ ୱିକେଟରେ ପରାସ୍ତ କରିଛି । ପୂର୍ବରୁ ଆୟୋଜକ ପାକିସ୍ତାନକୁ ନ୍ୟୁଜିଲାଣ୍ଡଠାରୁ ୬୦ ରନ୍‌ରେ ହାରିବାକୁ ପଡିଥିଲା । ଏବେ, ଭାରତ ବିପକ୍ଷରେ ମଧ୍ୟ ହାରିବା ପରେ, ପ୍ରଶ୍ନ ଉଠୁଛି ଯେ କଣ ପାକିସ୍ତାନ ଚାମ୍ପିୟନ୍ସ ଟ୍ରଫିରୁ ବାହାର ହେଇଗଲା କି ? ତେବେ ପାକିସ୍ତାନକୁ ସେମିଫାଇନାଲରେ ପହଞ୍ଚିବାକୁ ହେଲ କଣ ସମୀକରଣ ରହିଛି । ପାକିସ୍ତାନକୁ ସେମିଫାଇନାଲ ଖେଳିବାକୁ ଏଠାରେ କେତେକ ସମୀକରଣ ଉପରେ ନଜର ପକାଇବାର ଆବଶ୍ୟକତା ରହିଛି । 

ପାକିସ୍ତାନର ସେମିଫାଇନାଲ ସମୀକରଣ
ଯଦି ପାକିସ୍ତାନକୁ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବାକୁ ଚାହୁଁଛି ତେବେ  ପ୍ରଥମେ ଗ୍ରୁପ୍ ପର୍ୟ୍ୟାୟରେ ବାଂଲାଦେଶକୁ ପରାସ୍ତ କରିବାକୁ ପଡ଼ିବ । ତାହା ପୁଣି ଭଲ ନେଟ୍ ରନ୍-ରେଟ୍‌କୁ ଆଖି ଆଗରେ ରଖିବାକୁ ହେବ ।  ଏହାର ଅର୍ଥ  ବାଂଲାଦେଶ ବିପକ୍ଷରେ ଏକ ବିରାଟ ବିଜୟ ହାସଲ କରିବାକୁ ପଡିବ । ଏହା ବ୍ୟତୀତ, ମହମ୍ମଦ ରିଜୱାନ ଏବଂ ତାଙ୍କ ସାଥୀ ଖେଳାଳିମାନଙ୍କୁ ଆଶା ବାନ୍ଧିବାକୁ ହେବ ଯେ ଭାରତ ଏବଂ ବାଂଲାଦେଶ ଉଭୟ ନ୍ୟୁଜିଲ୍ୟାଣ୍ଡ ବିପକ୍ଷରେ ମ୍ୟାଚ୍ ଜିତିବେ ।
 
ଯଦି ନ୍ୟୁଜିଲାଣ୍ଡ ପରବର୍ତ୍ତୀ ମ୍ୟାଚ୍‌ଗୁଡ଼ିକରେ ଭାରତ ଏବଂ ବାଂଲାଦେଶଠାରୁ ହାରିବ ଓ ଯଦି ପାକିସ୍ତାନ ବାଂଲାଦେଶକୁ ପରାସ୍ତ କରେ ତେବେ ପଏଣ୍ଟ ଟେବୁଲ୍‌ରେ ତିନୋଟି ଦଳ ସମାନ ରହିବେ । ଏପରି ପରିସ୍ଥିତିରେ, ନେଟ୍ ରନ-ରେଟ୍ ଆଧାରରେ ସେମିଫାଇନାଲ ନିର୍ଣ୍ଣୟ କରାଯିବ । ବର୍ତ୍ତମାନ, ପାକିସ୍ତାନର ନେଟ୍ ରନ-ରେଟ୍ -୧.୦୮୭, ତେଣୁ ସେମାନଙ୍କୁ ବାଂଲାଦେଶ ବିପକ୍ଷରେ ଏକ ବିରାଟ ବିଜୟ ନିହାତି ଆବଶ୍ୟକ । 

 ଚାମ୍ପିୟନ୍ସ ଟ୍ରଫି ୨୦୨୫ର ଗ୍ରୁପ ଇରେ ଭାରତ, ପାକିସ୍ତାନ, ନ୍ୟୁଜିଲ୍ୟାଣ୍ଡ ଏବଂ ବାଂଲାଦେଶ ରହିଛନ୍ତି  । ଏହି ଗ୍ରୁପରେ ବର୍ତ୍ତମାନ ସୁଦ୍ଧା ୩ଟି ମ୍ୟାଚ୍ ଖେଳାଯାଇଛି ଏବଂ ଆହୁରି ୩ଟି ମ୍ୟାଚ୍  ବାକି ଅଛି । ବାଂଲାଦେଶ ଏବଂ ନ୍ୟୁଜିଲାଣ୍ଡ ୨୪ ଫେବୃଆରୀ ଅର୍ଥାତ ଆଜି ମୁହାଁମୁହିଁ ହେବେ । ଏହାପରେ  ବାଂଲାଦେଶ ଫେବୃଆରୀ ୨୭ ରେ ପାକିସ୍ତାନ ସହିତ ମ୍ୟାଚ୍ ଖେଳିବ । ଏହି ଗ୍ରୁପ୍‌ର ଶେଷ ମ୍ୟାଚ୍ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ମାର୍ଚ୍ଚ ୨ ତାରିଖରେ ଖେଳାଯିବ ।