ବରଗଡ଼ ଦୁଷ୍କର୍ମ ପୀଡ଼ିତାଙ୍କ ହସ୍ପିଟାଲରେ ମୃତ୍ୟୁ ; ୪ ଦିନ ପୂର୍ବରୁ ସମ୍ପର୍କୀୟଙ୍କ ଘରକୁ ଯାଇ ନିଖୋଜ ଥିଲେ

କନକ ବ୍ୟୁରୋ: ୪ ଦିନ ପୂର୍ବରୁ ମାମୁ ଘରକୁ ଯାଇ ନିଖୋଜ ଥିବା ଜଣେ ନାବାଳିକାଙ୍କ ଆଜି ସୋହେଲା ଡାକ୍ତରଖାନାରେ ମୃତ୍ୟୁ ହୋଇଛି । ନାବାଳିକା ଜଣକ ବରଗଡ଼ ସଦର ଥାନା ଅଞ୍ଚଳର ବୋଲି ସୂଚନା ରହିଛି । ଗତ ୨୮ ତାରିଖରୁ ନାବାଳିକା ଜଣକ ନିଖୋଜ ଥିବା ନେଇ ଥାନାରେ ଅଭିଯୋଗ କରିଥିଲେ ପରିବାର l ଆଜି ଜଣେ ଯୁବକ ସୋହେଲା ସ୍ୱାସ୍ଥ୍ୟକେନ୍ଦ୍ରକୁ ତାଙ୍କୁ ଚିକିତ୍ସା କରିବାକୁ ଆଣିବା ବେଳେ ଡାକ୍ତର ନାବାଳିକାର ମୃତ୍ୟୁ ହୋଇଥିବା କହିଥିଲେ l ନାବାଳିକା ବଲାଙ୍ଗୀର ଜିଲ୍ଲା ଲୋଇସିଂହା ଅଞ୍ଚଳ ମାମୁ ଘରକୁ ଯାଇ ନିଖୋଜ ହୋଇଥିଲେ  l ଏହାକୁ ନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ l 

ତେବେ ନାବାଳିକାକୁ ଦୁଷ୍କର୍ମ ପରେ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିବା ସହ ନ୍ୟାୟ ଦେବା ପାଇଁ  ଦାବି କରିଛନ୍ତି  l ଅନ୍ୟପଟେ ନାବାଳିକାଙ୍କୁ ହସ୍ପିଟାଲ ଆଣିଥିବା ଯୁବକ ସଂଜୀବ ମହାନନ୍ଦକୁ ସଦର ଥାନା ପୋଲିସ ଅଟକ ରଖି ପଚରାଉଚରା କରିଵା ସହ ଘଟଣାର ଅଧିକ ତଦନ୍ତ କରୁଛି ।