ସ୍ୱତନ୍ତ୍ର ବିମାନରେ ଯାଇ ଦିଲ୍ଲୀ ଏମ୍ସରେ ପହଂଚିଲେ ବଳଙ୍ଗା ପୀଡ଼ିତା, ଉନ୍ନତ ଚିକିତ୍ସା ପାଇଁ କରାଯାଇଛି ସ୍ଥାନାନ୍ତର

କନକ ବ୍ୟୁରୋ : ଦିଲ୍ଲୀ ଏମ୍ସରେ ପହଂଚିଛନ୍ତି ବଳଙ୍ଗା ପୀଡ଼ିତା । ଉନ୍ନତ ଚିକିତ୍ସା ପାଇଁ ରାଜ୍ୟ ସରକାରଙ୍କ ସହଯୋଗରେ ଆଜି ଭୁବନେଶ୍ୱର ବିମାନବନ୍ଦରରୁ ସ୍ୱତନ୍ତର ବିମାନ ଯୋଗେ ତାଙ୍କୁ ଦିଲ୍ଲୀ ଏମ୍ସକୁ ନିଆଯାଇଛି । ଦୁଇଦିନ ଧରି ଭୁବନେଶ୍ୱର ଏମ୍ସରେ ଚିକିତ୍ସା ପରେ ଉନ୍ନତ ଚିକିତ୍ସା ପାଇଁ ତାଙ୍କୁ ଦିଲ୍ଲୀ ନିଆଯାଇଛି । 

ଆଜି ଦିଲ୍ଲୀ ଏମ୍ସରୁ ଏକ ସ୍ୱତନ୍ତ୍ର ଡାକ୍ତରୀ ଟିମ୍ ଏକ ବିମାନ ଯୋଗେ ଭୁବନେଶ୍ୱର ବିମାନବନ୍ଦରରେ ପହଂଚିଥିଲେ । ଏଠୁ ବଳଙ୍ଗା ପୀଡ଼ିତାଙ୍କୁ ନେବା ପାଇଁ ବିମାନରେ ସମସ୍ତ ବ୍ୟବସ୍ଥା କରାଯାଇଥିଲା । ଭୁବନେଶ୍ୱର ଏମ୍ସରୁ ଗ୍ରୀନ କରିଡ଼ର କରାଯାଇ ତାଙ୍କୁ ବିମାନବନ୍ଦର ନିଆଯାଇଥିଲା । ସେଠାରୁ ତୁରନ୍ତ ତାଙ୍କୁ ଦିଲ୍ଲୀ ଏମ୍ସକୁ ସ୍ଥାନାନ୍ତର କରାଯାଇଛି ।