କନକ ବ୍ୟୁରୋ : ରାଜଧାନୀରେ ଅଧ ରାତିର ଆତଙ୍କ। ଜଣେ ଆଇଏଏସ୍ ଅଧିକାରୀଙ୍କ ଘରୁ ଲୁଟ୍ ଉଦ୍ୟମ । ଘରେ ଲୁଟ୍ କରିବା ଉଦ୍ଦେଶ୍ୟରେ ପଶିଥିଲେ କିଛି ମହିଳା, ସୁରକ୍ଷାକର୍ମୀଙ୍କୁ ଦେଖି ଚମ୍ପଟ ମାରିଲେ ଚୋର ଗ୍ୟାଙ୍ଗ। ଆଇଏଏସ୍ ପ୍ରଶାନ୍ତ ରେଡ୍ଡୀଙ୍କ ନୟାପଲ୍ଲୀ ଭିଆଇପି କଲୋନୀରେ ଥିବା ସରକାରୀ ବାସଭବନରୁ ଲୁଟ ଉଦ୍ୟମ ହୋଇଛି । ଘର ତାଲା ଭାଙ୍ଗି ଲୁଟିବା ପାଇଁ ଉଦ୍ୟମ କରିଥିଲେ ଲୁଟେରା । ୨ଟି ତାଲା ଭଙ୍ଗା ଯାଇଥିବା ବେଳେ ଲୁଟେରା କିଛି ଲୁଟି ନପାରି ଚାଲିଯାଇଥିଲେ । ପ୍ରଶାନ୍ତ ଏବେ ଝାଡ଼ଖଣ୍ଡରେ ଡ୍ୟୁଟିରେ ଥିବା ବେଳେ ଏଭଳି ଲୁଟ ଉଦ୍ୟମ ହୋଇଛି । ନୟାପଲ୍ଲୀ ପୋଲିସ ଖବର ପାଇବା ପରେ ସରକାରୀ ବାସଭବନ ଯାଇ ଯାଞ୍ଚ କରିଛି । କିନ୍ତୁ ଲୁଟେରାଙ୍କ ଟେର ପାଇନି ।