ଆରମ୍ଭ ହେଲା ସର୍ବଦଳୀୟ ବୈଠକ : ଉପସ୍ଥିତ ରହିଲେ ମୁଖ୍ୟମନ୍ତ୍ରୀଙ୍କ ସହ ବିରୋଧୀଦଳର ନେତା

କନକବ୍ୟୁରୋ : ଶୀତ ଅଧିବେଶନ ପୂର୍ବରୁ ସର୍ବଦଳୀୟ ବୈଠକ । ବାଚସ୍ପତି ସୁରମା ପାଢୀଙ୍କ ଅଧ୍ୟକ୍ଷତାରେ ଚାଲିଛି ବୈଠକ । ଗୃହ ସୁରଖୁରୁରେ ଚାଲିବା ନେଇ ବୈଠକରେ ଆଲୋଚନା ହୋଇପାରେ । ମୁଖ୍ୟମନ୍ତ୍ରୀ ମୋହନ ମାଝୀ, ବିରୋଧୀ ଦଳ ନେତା ଓ କଂଗ୍ରେସ ବିଧାୟକ ଦଳ ନେତାଙ୍କ ସମେତ ଅନ୍ୟ ସଦସ୍ୟ ମାନେ ଉପସ୍ଥିତ ରହିବେ ।

ବିଜେପି ସରକାରର ଏହା ଦ୍ବିତୀୟ ଅଧିବେଶନ । ପ୍ରଥମ ଦିନରେ ଆସିବ ଅତିରିକ୍ତ ବଜେଟ । ମୁଖ୍ୟମନ୍ତ୍ରୀ ମୋହନ ମାଝୀ ଗୃହରେ ଆଣିବେ ଅତିରିକ୍ତ ବଜେଟ । ସେପଟେ ଆଜି ତିନି ଦଳର ବିଧାୟକ ଦଳ ବୈଠକ ବସିବ । ୧୧ଟା ୪୫ ରେ ବସିବ ବିଜେପି ବିଧାୟକ ଦଳ ବୈଠକ  । ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧ୍ୟକ୍ଷତାରେ ବସିବ ବୈଠକ ।

ଅପରାହ୍ନ ୫ଟାରେ ବସିବ ବିଜେଡି ବିଧାୟକ ଦଳ ବୈଠକ ।  ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଶଙ୍ଖ ଭବନରେ ବସିବ ବୈଠକ ।  ସେହିପରି କଂଗ୍ରେସ ବିଧାୟକ ଦଳ ବୈଠକ ସନ୍ଧ୍ୟା ୬ ଟାରେ ବସିବ । କଂଗ୍ରେସ ଦଳ ନେତାଙ୍କ ବିଧାନସଭା କକ୍ଷରେ ବସିବ ବୈଠକ । ଅନ୍ୟପଟେ ୧୧ଟା ୪୦ରେ ସୁରକ୍ଷା ସ୍ଥିତି ପରଖିବେ ପୋଲିସ ମହାନିର୍ଦ୍ଦେଶକ ।