ଶ୍ରୀମନ୍ଦିର ପାଇଁ ପ୍ରଶାସନ ଆଣିଲା ନୂଆ ଏସଓପି । ରବିବାର ବନ୍ଦ ରହିବ ମନ୍ଦିର, ସପ୍ତାହକୁ ଦୁଇ ଥର ହେବ ସାନିଟାଇଜ୍ ।
କନକ ବ୍ୟୁରୋ: ରାଜ୍ୟରେ କରୋନା ସଂକ୍ରମଣ ବଢୁଥିବାବେଳେ ଶ୍ରୀମନ୍ଦିର ପାଇଁ ନୂଆ ଏସଓପି ଆଣିଛି ମନ୍ଦିର ପ୍ରଶାସନ । ଏଣିକି ପ୍ରତି ରବିବାର ଶ୍ରୀମନ୍ଦିର ବନ୍ଦ ରହିବା ସହିତ ଏହିଦିନ ସମ୍ପୂର୍ଣ୍ଣ ମନ୍ଦିରକୁ ସାନିଟାଇଜ କରିବାକୁ ପ୍ରଶାସନ ନିଷ୍ପତ୍ତି ନେଇଛି । ଖାଲି ସେତିକି ନୁହେଁ, ରବିବାର ମନ୍ଦିର ବନ୍ଦ ରହିବା ସହିତ ରାତିରେ ସପ୍ତାହକୁ ଦୁଇଦିନ ମନ୍ଦିର ସାନିଟାଇଜ ହେବ । ତା ସହିତ ମନ୍ଦିର ଭିତରେ କୋଭିଡ୍ ଗାଇଡଲାଇନ୍ କଡାକଡି ଭାବେ ପାଳନ ହେବ ବୋଲି ଶ୍ରୀମନ୍ଦିର ପ୍ରଶାସନ ନିଷ୍ପତ୍ତି ନେଇଛି ।
Kanak News is now on WhatsApp
Join and get latest news updates delivered to you via WhatsApp
କରୋନା ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ପାଇଁ ଏସଓପି ଜାରି । ଭକ୍ତଙ୍କ ପାଇଁ ରବିବାର ବନ୍ଦ ରହିବ ଶ୍ରୀମନ୍ଦିର । ରବିବାର ଶ୍ରୀମନ୍ଦିର ସମ୍ପୂର୍ଣ୍ଣ ସାନିଟାଇଜ୍ କରାଯିବ । ସପ୍ତାହକୁ ୨ ଦିନ ରାତ୍ରିକାଳୀନ ସାନିଟାଇଜ୍ ବ୍ୟବସ୍ଥା । କଡାକଡି ପାଳନ ହେବ କଟକଣା । #Puri #Odisha pic.twitter.com/yCnnbcoOId
— Kanak News (@kanak_news) April 3, 2021
ରାଜ୍ୟରେ ଏବେ କରୋନା ସଂକ୍ରମଣ ହୁ ହୁ ହୋଇ ବଢିଚାଲିଛି । ଏଥିପାଇଁ ରାଜ୍ୟ ସରକାର କିଛି ଜିଲ୍ଲାରେ ନାଇଟ୍ କର୍ଫ୍ୟୁ କଟକଣା ମଧ୍ୟ ଲାଗୁ କରିଲେଣି । ଯଦି ଆଗୁଆ ସାବଧାନତା ଅବଲମ୍ବନ କରାନଯାଏ ତେବେ ସଂକ୍ରମଣ ସୀମା ଟପିବ ବୋଲି ଅନୁମାନ କରାଯାଉଛି । ଏଭଳି ସ୍ଥିତିରେ ଶ୍ରୀମନ୍ଦିର ପାଇଁ ନୂଆ ଏସଓପି ଅଣାଯିବା ସହିତ କଟକଣା ଲାଗୁ କରାଯାଇଛି ।