କନକ ବ୍ୟୁରୋ : ବହୁଚର୍ଚ୍ଚିତ ୨୦୦୨ ଗୁଜରାଟ ଦଙ୍ଗା ଘଟଣାରେ ଭୁଲ ତଥ୍ୟ ଉପସ୍ଥାପନ କରାଯାଇଥିବା ମାମଲାର ତଦନ୍ତ କରୁଥିବା ଏସଆଇଟି ଏବେ ସାଂଘାତିକ ଖୁଲ୍ଲାସା କରିଛି । ଦଙ୍ଗା ଘଟଣାରେ ବିଭ୍ରାନ୍ତିକର ତଥ୍ୟ ଉପସ୍ଥାପନା କରିଥିବା ସାମାଜିକ କର୍ମୀ ତିସ୍ତା ସୀତଲଭାଡ ଗିରଫ ହେବା ପରେ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ତେବେ ତିସ୍ତା ଜାମିନ ପାଇଁ ଆବେଦନ କରିଥିବା ସମୟରେ ଏହାକୁ ବିରୋଧ କରି କୋର୍ଟରେ ବଡ ଖୁଲ୍ଲାସା କରିଛି ଏସଆଇଟି ।
Kanak News is now on WhatsApp
Join and get latest news updates delivered to you via WhatsApp
ତତକାଳୀନ ଗୁଜରାଟ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦଙ୍ଗା ମାମଲାରେ ଫଶାଇବା ପାଇଁ କଂଗ୍ରେସର ପୂର୍ବତନ ବରିଷ୍ଠ ତଥା ଦିବଙ୍ଗତ ନେତା ଅହମଦ ପଟେଲ ଓ ସମାଜକର୍ମୀ ତିସ୍ତା ସୀତଲୱାଡ ମିଳିତ ଷଡଯନ୍ତ୍ର କରିଥିଲେ । ଘଟଣାର ୨୦ ବର୍ଷ ପରେ କୋର୍ଟରେ ଯେଉଁ ଖୁଲ୍ଲାସା କରିଛି ଏସଆଇଟି ତାକୁ ନେଇ ହଇଚଇ ସୃଷ୍ଟି ହୋଇଛି ।
ଏସଆଇଟି କହିଛି ତିସ୍ତା ସୀତଲୱାଡ, ପୂର୍ବତନ ଡିଜିପି ଆରବି ଶ୍ରୀକୁମାର ଓ ପୂର୍ବତନ ଆଇପିଏଏସ ସଂଜୟ ଭଟ୍ଟ ମିଳିତଭାବେ ରାଜନୈତିକ ଅଭିସନ୍ଧି ରଖି କାମ କରିଥିଲେ । ଅହମଦ ପଟେଲଙ୍କ ଇସାରାରେ ତତକାଳୀନ ଗୁଜରାଟ ସରକାରରେ ଅସ୍ଥିରତା ସୃଷ୍ଟି ପାଇଁ ଚେଷ୍ଟା କରିଥିଲେ । ମୋଦି ଓ କିଛି ନୀରିହ ଲୋକଙ୍କୁ ଫଶାଇବା ପାଇଁ ଉଦ୍ୟମ ହୋଇଥିଲା । ଏହି ସମସ୍ତ ଷଡଯନ୍ତ୍ର ପଛରେ ଅହମଦ ପଟେଲଙ୍କ ହାତ ଥିଲା । ଅହମଦ ପଟେଲଙ୍କ ସହ ପ୍ରଥମ ସାକ୍ଷାତରେ ତିସ୍ତା ୫ଲକ୍ଷ ଟଙ୍କା ନେଇଥିଲେ । ପରେ ୩୦ ଲକ୍ଷ ଟଙ୍କା ନେଇ ମିଛ ସାକ୍ଷୀ ପ୍ରମାଣ ଯୋଗାଡ କରିଥିଲେ । ଅହମଦ ପଟେଲଙ୍କ ସହ ତେସ୍ତା ବାରମ୍ବାର ସିକ୍ରେଟ ମିଟିଂ କରୁଥିଲେ ।
କୋର୍ଟରେ ସତ୍ୟପାଠ ଦାଖଲ କରି ଏସଆଇଟି ଏକଥା ମଧ୍ୟ କହିଛି କି ଦଙ୍ଗା ମାମଲାରେ ବରିଷ୍ଠ ବିଜେପି ନେତାମାନଙ୍କ ନାଁ ଆଣିବା ପାଇଁ ସେ ସମୟରେ ଦିଲ୍ଲୀରେ କ୍ଷମତାସୀନ ଥିବା ସରକାରର ନେତାମାନେ ସୀତଲୱା ସହ ବରାବର ଭେଟୁଥିଲେ ।
ଏତେ ବଡ ଖୁଲ୍ଲାସା ହେବା ପରେ କଂଗ୍ରେସ ନିଜ ପକ୍ଷ ରଖିଛି । ଏସଆଇଟି କଥାକୁ ଖଣ୍ଡନ କରିବା ସହ ବିଜେପି ଉପରେ ବର୍ଷିଛି ଦଳ । ଜଣେ ଦିବଙ୍ଗତ ନେତାଙ୍କ ଉପରେ ମଧ୍ୟ ଏଭଳି ସଙ୍ଗୀନ ଅଭିଯୋଗ ଆଣିବା ପାଇଁ ବିଜେପିକୁ କିଭଳି ବିବେକ ବାଧା ଦେଲାନି?
କିଛି ଦି ପୂର୍ବରୁ ଦଙ୍ଗା ମାମଲାରେ ପ୍ରଧାନମନ୍ତ୍ରୀ ମୋଦିଙ୍କୁ ମିଳିଥିବା କ୍ଲିନଚିଟକୁ କାୟମ ରଖିଥିଲେ ସୁପ୍ରିମକୋର୍ଟ । ଏହାର ଠିକ ଦିନକ କରେ ତେସ୍ତା ସୀତଲୱାଡ ଓ ଅନ୍ୟ ୨ଜଣଙ୍କୁ ଗିରଫ କରାଯାଇଥିଲା । ସବୁଠୁ ରୋଚକ କଥା ହେଉଛି ୨୦୦୭ ମସିହାରେ ସୀତଲଭାଡଙ୍କୁ କେନ୍ଦ୍ର ସରକାର ୨୦୦୨ରେ ସେ କରିଥିବା କାମ ପାଇଁ ପଦ୍ମଶ୍ରୀ ସମ୍ନାନରେ ସମ୍ମାନୀତ କରିଥିଲେ