ହାଇସିକ୍ୟୁରିଟି ନମ୍ବର ପ୍ଲେଟ ପାଇଁ ନୂଆ ବିଜ୍ଞପ୍ତି । ଡେଡଲାଇନ୍ ଭିତରେ ବୁକିଂ କରିଥିଲେ ପଡ଼ିବନି ଫାଇନ୍
କନକ ବ୍ୟୁରୋ: ହାଇ ସିକ୍ୟୁରିଟି ନମ୍ବର ପ୍ଲେଟ୍ ପାଇଁ ଆସିଛି ନୂଆ ବିଜ୍ଞପ୍ତି । ଅକ୍ଟୋବର ପହିଲାରୁ ରାଜ୍ୟରେ ହାଇସିକ୍ୟୁରିଟି ନମ୍ବର ପ୍ଲେଟ ନିୟମକୁ କଡାକଡି କରିବାକୁ ଯାଉଛି ପରିବହନ ବିଭାଗ । ଗାଡିରେ ହାଇସିକ୍ୟୁରିଟି ନମ୍ବର ପ୍ଲେଟ ନଥିଲେ ଫାଇନ୍ ଗଣିବା ନିୟମ ଅଛି । ହେଲେ ନୂଆ ବିଜ୍ଞପ୍ତି ଅନୁସାରେ ଆପଣ ଧାର୍ଯ୍ୟ ସମୟରେ ନମ୍ବର ପ୍ଲେଟ ପାଇଁ ବୁକିଂ କରିଥିଲେ ଫାଇନ୍ ଦେବାକୁ ପଡ଼ିବ ନାହିଁ । ଚେକିଂ ବେଳେ ବୁକିଂ କରିଥିବା ସ୍ଲିପ୍ ଦେଖାଇ ଫାଇନରୁ ଛାଡ ପାଇବେ ଗାଡି ମାଲିକ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ପରିବହନ ନିଗମର ନିଷ୍ପତ୍ତି ଅନୁସାରେ ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ୍ ଲାଗିନଥିଲେ ଅକ୍ଟୋବର ୧ରୁ ଦେବାକୁ ପଡିବ ଫାଇନ୍ । ୨୦୧୯ ଏପ୍ରିଲ ୧ ତାରଖ ପୂର୍ବରୁ କିଣାଯାଇଥିବା ଗାଡିରେ ହାଇ ସିକ୍ୟୁରିଟି ନମ୍ବର ପ୍ଲେଟ୍ ଲଗାଇବା ବାଧ୍ୟତାମୂଳକ । ଗାଡି ନମ୍ବରର ଶେଷ ଅଙ୍କ ୧, ୨, ୩ କିମ୍ବା ୪ ହୋଇଥିଲେ ସେପ୍ଟେମ୍ବର ୩୦ ସୁଦ୍ଧା ଏଥିପାଇଁ ଅନଲାଇନରେ ଆବେଦନ କରିବାକୁ କୁହାଯାଇଥିଲା । ଆଜି ଏ ସଂପର୍କିତ ଏକ ନୂଆ ବିଜ୍ଞପ୍ତି ପ୍ରକାଶ ପାଇଛି । ଯେଉଁଥିରୁ ଜଣାପଡୁଛି ସ୍ଲଟ୍ ବୁକିଂ କରିଥିଲେ ଫାଇନରୁ ବର୍ତ୍ତିପାରିବେ ଗାଡି ମାଲିକ ।
ନମ୍ବର ପ୍ଲେଟକୁ ନେଇ ନୂଆ ବିଜ୍ଞପ୍ତି
-ନୂଆ ନମ୍ବର ପ୍ଲେଟ୍ ପାଇଁ ଅନଲାଇନ୍ ବୁକିଂ ବଢି ଯାଇଥିବାରୁ ହେଉଛି ସମସ୍ୟା
-ଶେଷ ମୁହୂର୍ତ୍ତରେ ବୁକିଂ କରୁଥିବା ଗାଡି ମାଲିକଙ୍କୁ ଡେଡ୍ଲାଇନ ପରେ ମିଳୁଛି ସ୍ଲଟ୍
-ତେଣୁ ଅନଲାଇନ ବୁକିଂ କରି ସ୍ଲଟ ପାଇଥିଲେ ଫାଇନରୁ ବର୍ତ୍ତି ପାରିବେ ଗାଡି ମାଲିକ
-ଚେକିଂ ସମୟରେ ଦେଖାଇବାକୁ ପଡିବ ଅନଲାଇନରେ ବୁକିଂ କରିଥିବା ସ୍ଲିପ୍
-କିନ୍ତୁ ଚେକିଂ ସମୟରେ ଗାଡିର ଅନ୍ୟାନ୍ୟ ବୈଧ ପ୍ରମାଣପତ୍ର ଦେଖାଇବାକୁ ହେବ
ତେବେ ଅନ୍ୟ ଗାଡି ନମ୍ବର ପାଇଁ ଏହି ରିହାତି ଦିଆଯାଇନାହିଁ । ଅର୍ଥାତ ୫ ଓ ୬ରେ ଶେଷ ହେଉଥିବା ଗାଡି ନମ୍ବର ପାଇଁ ଅକ୍ଟୋବର ୩୧ ଡେଡଲାଇନ୍ । ଶେଷ ଅଙ୍କ ୭ କିମ୍ବା ୮ ଥିଲେ ନଭେମ୍ବର ୩୦ ସୁଦ୍ଧା ଲଗାଇବେ ଏଚଏସଆରପି । ୯ ଓ ୦ରେ ଗାଡି ନମ୍ବର ଶେଷ ହେଉଥିଲେ ୩୧ ଡିସେମ୍ବର ସୁଦ୍ଧା ଲଗାଇବେ ନୂଆ ନମ୍ବର ପ୍ଲେଟ୍ ।
୧ ଓ ୨ରେ ଶେଷ ହେଉଥିବା ଗାଡି ନମ୍ବର ପାଇଁ ଅଗଷ୍ଟ ୩୧ ଡେଡଲାଇନ ରଖାଯାଇଥିଲା । ରାଜ୍ୟରେ ଲଘୁଚାପ ଜନିତ ବନ୍ୟା କାରଣରୁ ଏହାକୁ ବଢାଇ ୩୦ ସେପ୍ଟେମ୍ବର କରାଗଲା । ଏବେ ଏହାକୁ ପୁଣି କିଛିଟା କୋହଳ କରିଛନ୍ତି ରାଜ୍ୟ ପରିବହନ କର୍ତୃପକ୍ଷ । ତେବେ ତଥାପି ଗାଡି ମାଲିକଙ୍କ ଭିତରେ କେତେକ ଅସମାହିତ ପ୍ରଶ୍ନ ରହିଛି, ଯାହାର ଉତ୍ତର ରାଜ୍ୟ ପରିବହନ କର୍ତୃପକ୍ଷ ସ୍ପଷ୍ଟ କରିବା ଦରକାର । ଉଦାହଣ ସ୍ୱରୂପ…
-ଯେଉଁ କମ୍ପାନିର ସୋ’ରୁମ ବନ୍ଦ ହୋଇସାରିଛି ସେଠାରେ ସ୍ଲଟ ମିଳିଥିଲେ ନମ୍ବରପ୍ଲେଟ୍ କେମିତି ପାଇବେ ଗାଡି ମାଲିକ?
-ଏଭଳି ସ୍ଥିତିରେ ତୃତୀୟ ପକ୍ଷକୁ ହାଇ ସିକ୍ୟୁରିଟି ନମ୍ବର ପ୍ଲେଟ୍ ଯୋଗାଣ ପାଇଁ ବନ୍ଦୋବସ୍ତ କରିବା କଥା ନୁହେଁ କି?