୩.୪ କୋଟି ଟଙ୍କାର ଚାକିରି ଛାଡିଲେ, ନିଜର ବିଜନେସ୍ ଆରମ୍ଭ କଲେ । କାମରେ ମଜା ନ ମିଳିବାରୁ ଚାକିରି ଛାଡିଦେଲେ ଏହି ବ୍ୟକ୍ତି…
କନକ ବ୍ୟୁରୋ: ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ଚାକିରି କରି ଜଣେ ବ୍ୟକ୍ତି ବର୍ଷକୁ ୩.୪ କୋଟି ଟଙ୍କା ଆୟ କରୁଥିଲେ । ହେଲେ ଏହାସତ୍ତେ୍ୱ ବି ସେ ଚାକିରି ଛାଡିଦେଲେ । ତାଙ୍କ ଇଚ୍ଛା ଅନୁସାରେ ତାଙ୍କ କାମ ଭଲ ନଲାଗିବାରୁ ସେ ଏପରି କରିଥିଲେ, ଯାହାକୁ ନେଇ ଏବେ ସବୁଠି ଚର୍ଚ୍ଚା ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ମୁତାବକ, ମାଇକେଲ୍ ଲିନ୍ ନାମକ ଜଣେ ବ୍ୟକ୍ତି ୨୦୧୭ ମସିହାରେ ନେଟଫ୍ଲିକ୍ସରେ ଚାକିରି କରିବା ଆରମ୍ଭ କରିଥିଲେ । ଜଣେ ସଫ୍ଟୱୟାର ଇଞ୍ଜିନିୟର ଭାବେ ସେ ନେଟଫ୍ଲିକ୍ସ ପ୍ରମୋସନ୍ ଟିମରେ ଚାକିରି କରିବା ଆରମ୍ଭ କରିଥିଲେ । ଆଉ ଭଲ ରୋଜଗାର ବି କରୁଥିଲେ । ହେଲେ ଏହାପରେ ବି ତାଙ୍କର ଚାକିରି ଛାଡିବା ସମସ୍ତଙ୍କୁ ଚକିତ କରିଦେଇଥିଲା ।
ଲିନଙ୍କ କହିବା ମୁତାବକ, ପ୍ରଥମେ ପ୍ରଥମେ ତାଙ୍କୁ ନେଟଫ୍ଲିକ୍ସ ବହୁତ ଭଲ ଲାଗୁଥିଲା । ବାର୍ଷିକ ପ୍ୟାକେଜ୍ ଆଉ ସବୁ ସୁବିଧା ବି ମିଳୁଥିଲା । ହେଲେ ୨୦୨୧ ମସିହାରେ ମେ ମାସରେ ସେ ଅଚାନକ ଚାକିରି ଛାଡିବାକୁ ନିଷ୍ପତ୍ତି ନେଇଥିଲେ । ଯାହାକୁ ଶୁଣିବା ମାତ୍ରକେ ଅନେକ ତାଙ୍କୁ ପାଗଳ ମଧ୍ୟ କହିବା ଆରମ୍ଭ କରିଥିଲେ । ହେଲେ ତାଙ୍କୁ କାମ ଭଲ ନଲାଗିବାରୁ ଶେଷରେ ସେ ଏହି ନିଷ୍ପତ୍ତି ନେଇଥିଲେ ।
ଚାକିରି ଛାଡିବା ପରେ, ଲିନଙ୍କ ଜୀବନ କେମିତି କଟିବ ତାକୁ ନେଇ ସେ ନିଜେ ବି ଦ୍ୱନ୍ଦ୍ୱରେ ଥିଲେ । ହେଲେ ସବୁ ପରେ ବି, ସେ ତାଙ୍କ ନିଜର ବିଜନେସ୍ ଆରମ୍ଭ କରିଥିଲେ । ଆଉ ଏବେ ସେ ତାଙ୍କ କାମକୁ ନେଇ ସନ୍ତୁଷ୍ଟ ଥିବା କହିଛନ୍ତି । ତେବେ ଜଣେ ବ୍ୟକ୍ତି ୩.୪ କୋଟି ଟଙ୍କାର ଚାକିରି ଛାଡି ଆସି, ବିଜନେସ୍ କରିବା ଖବର ଅନେକଙ୍କୁ ଆଶ୍ଚଯ୍ୟ କରିଛି ।