ନିଟ୍ ଏମଡିଏସ ପରୀକ୍ଷା ପାଇଁ ବାହାରିଲା ବିଜ୍ଞପ୍ତି ! ନଭେମ୍ବର ୬ ଯାଏଁ ଆବେଦନ କରିପାରିବେ ଛାତ୍ରଛାତ୍ରୀ, ଡିସେମ୍ବର ୧୪ରେ ହେବ ପରୀକ୍ଷା
ଡେଣ୍ଟାଲ୍ ପିଜି ପାଠ୍ୟକ୍ରମ-୨୦୧୯ରେ ନାମଲେଖା ପାଇଁ ଡିସେମ୍ବର ୧୪ରେ ନ୍ୟାସନାଲ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ (ନିଟ୍-ଏମଡିଏସ୍) ଅନୁଷ୍ଠିତ ହେବ। ସାରା ଦେଶରେ ଥିବା ଡେଣ୍ଟାଲ ଇନ୍ଷ୍ଟିଚ୍ୟୁଟ୍ ପାଇଁ ଏହି ଏକକ ପରୀକ୍ଷା କରାଯିବ। ରାଜ୍ୟ କିମ୍ବା ଶିକ୍ଷାନୁଷ୍ଠାନରେ ଏବର୍ଷ କୌଣସି ପ୍ରକାର ପରୀକ୍ଷା ହେବ ନାହିଁ। ନ୍ୟାସନାଲ ବୋର୍ଡ ଅଫ୍ ଏକ୍ସାମିନେସନ୍(ଏନବିଏ) ପକ୍ଷରୁ ଅନୁଷ୍ଠିତ ହେବାକୁ ଥିବା ଏହି ପରୀକ୍ଷା ପାଇଁ ଛାତ୍ରଛାତ୍ରୀ ନଭେମ୍ବର ୬ ପର୍ୟ୍ୟନ୍ତ ଅନଲାଇନରେ ଆବେଦନ କରିପାରିବେ। ଏଥିପାଇଁ ‘www.nbe.edu.in’ରେ ଫର୍ମ ଉପଲବ୍ଧ ହେଉଛି। ଛାତ୍ରଛାତ୍ରୀ ଫର୍ମ ପୂରଣ କରିବା ସମୟରେ େକଉଁ ସହରରେ ପରୀକ୍ଷା ଦେବାକୁ ଇଚ୍ଛୁୂକ ତାହା ଉଲ୍ଲେଖ କରିବେ। ଫର୍ମ ପୂରଣ କରିବା ପୂର୍ବରୁ ସୂଚନା ପୁସ୍ତିକାକୁ ଭଲ ଭାବେ ପଢ଼ିବାକୁ ନିଟ୍-ଏମଡିଏସ୍ ପକ୍ଷରୁ ପରାମର୍ଶ ଦିଆଯାଇଛି।
Kanak News is now on WhatsApp
Join and get latest news updates delivered to you via WhatsApp
ଡିସେମ୍ବର ୧୪ରେ ହେବାକୁ ଥିବା ଏହି ପରୀକ୍ଷା କମ୍ପ୍ୟୁଟର ମାଧ୍ୟମରେ ହେବ। ପରୀକ୍ଷା ସମୟରେ ମୋବାଇଲ୍ ଫୋନ୍ ଓ ଇଲୋକଟ୍ରୋନିକ୍ ସାମଗ୍ରୀ ବ୍ୟବହାର ଉପରେ କଟକଣା ଜାରି ହୋଇଛି। ପରୀକ୍ଷା କେନ୍ଦ୍ର ପରିସରରେ ଯଦି କୌଣସି ଛାତ୍ରଛାତ୍ରୀଙ୍କ ନିକଟରେ ଏଭଳି କୌଣସି ସମଗ୍ରୀ ମିଳିବ ତେବେ ତାଙ୍କ ବିରୋଧରେ କଠୋର କାର୍ୟ୍ୟାନୁଷ୍ଠାନ ନିଆଯିବ। ସାଧାରଣ ବର୍ଗ/ଓବିସି ପରୀକ୍ଷାର୍ଥୀଙ୍କ ପାଇଁ ୩୭୫୦ ଟଙ୍କା ଫି’ ରଖାଯାଇଥିବା ବେଳେ ଏସସି/ଏସଟି/ପିଡବ୍ଲୁଡି/ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ପାଇଁ ୨୭୫୦ ଟଙ୍କା ପରୀକ୍ଷା ଫି’ ରହିଛି। ୨୦୧୯ ଜାନୁଆରି ୧୫ ସୁଦ୍ଧା ପରୀକ୍ଷା ଫଳ ପ୍ରକାଶ ପାଇବ।