ଝାରସୁଗୁଡା ବିମାନ ବନ୍ଦର ନାମକରଣ ନେଇ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ନବୀନ ! ଭୁବନେଶ୍ୱର-ନୂଆଦିଲ୍ଲୀ ଏୟାର ଇଣ୍ଡିଆ ବିମାନ ଝାରସୁଗୁଡା ଦେଇ ଉଡାଇବାକୁ ଅନୁରୋଧ
ଝାରସୁଗୁଡ଼ାରୁ ବାଣିଜ୍ୟିକ ବିମାନ ଉଡାଇବାକୁ ମୋଦିଙ୍କୁ ଅନୁରୋଧ କଲେ ମୁଖ୍ୟମନ୍ତ୍ରୀ !
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମୁଖ୍ୟମନ୍ତ୍ରୀଙ୍କ ଚିଠି । ଝାରସୁଗୁଡ଼ା ବିମାନବନ୍ଦର ସମ୍ପର୍କରେ ମୋଦିଙ୍କୁ ଚିଠି ଲେଖିଲେ ନବୀନ୍ । ବିମାନବନ୍ଦର ସ୍ୱାଧୀନତା ସଂଗ୍ରାମୀ ତଥା ମାଟିର ସନ୍ତାନ ବୀର ସୁରେନ୍ଦ୍ର ସାଏଙ୍କ ନାଁରେ ନାମିତ ହେବାକଥା’, ଯାହା ଏଯାଏଁ ହୋଇପାରିନାହିଁ । ଆଉ ଭାରତ ସରକାର ଏଯାଏଁ ବିଜ୍ଞପ୍ତି ମଧ୍ୟ ପ୍ରକାଶ କରିନାହାନ୍ତି’ । ଏହା ବ୍ୟତୀତ‘ବିମାନବନ୍ଦରରୁ ୬ ଅକ୍ଟୋବରରୁ ଏୟାର ଓଡ଼ିଶାର ବିମାନ ଉଡ଼ି ନାହିଁ’।କୌଣସି ସଠିକ କାରଣ ନଦର୍ଶାଇ ବିମାନ ସେବା ବନ୍ଦ କରିଦେଇଛି ଏୟାର ଓଡ଼ିଶା । ଯାହା‘ପଶ୍ଚିମ ଓଡ଼ିଶାବାସୀଙ୍କ ଭାବନାକୁ ଏହା ଆଘାତ ଦେଇଛି’ । ଏହାବ୍ୟତୀତ ଉଡ଼ାନ୍ ସମେତ ବାଣିଜ୍ୟିକ ବିମାନ ଉଡ଼ାଇବାକୁ ଅନୁରୋଧ କରି ଚିଠିରେ ଲଲ୍ଲେଖ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ବହୁ ପ୍ରତିକ୍ଷୀତ ଝାରସୁଗୁଡ଼ା ବିମାନ ବନ୍ଦରକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ସେପ୍ଟେମ୍ବର ୨୨ରେ ଉଦ୍ଘାଟନ କରିଥିଲେ।ଉଦ୍ଘାଟନ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ, ଏହି ବିମାନବନ୍ଦର ପାଇଁ ରାଜ୍ୟ ସରକାର ୧୨୦ଏକର ମାଗଣା ଜମି, ଜଳ ଓ ବିଦ୍ୟୁତ ଯୋଗାଇଛନ୍ତି । ଏହି ବିମାନବନ୍ଦର ବିକାଶ ପାଇଁ ମଧ୍ୟ ସରକାରଙ୍କ ପକ୍ଷରୁ ୭୫ କୋଟି ଟଙ୍କା ପ୍ରଦାନ କରାଯାଇଛି। ବିମାନବନ୍ଦର ସଂପ୍ରସାରଣ ପାଇଁ ରାଜ୍ୟ ସରକାର ସମସ୍ତ ଆବଶ୍ୟକ ସହଯୋଗ ଯୋଗାଇ ଦେବାକୁ ପ୍ରତିଶ୍ରୁତିବଦ୍ଧ।
ଏହା ବ୍ୟତୀତ ନବୀନ ଚିଠିରେ ଉଲ୍ଲେଖ କରିଛନ୍ତି ‘ଭୁବନେଶ୍ୱର-ନୂଆଦିଲ୍ଲୀ ଏୟାରଇଣ୍ଡିଆ ବିମାନ ଝାରସୁଗୁଡ଼ା ଦେଇ ଉଡ଼ୁ । ଯଦ୍ୱାରା ପଶ୍ଚିମ ଓଡ଼ିଶାର ଲୋକେ ଉପକୃତ ହୋଇପାରିବେ । ‘ବେସାମରିକ ବିମାନ ଚଳାଚଳ ମନ୍ତ୍ରାଳୟ ଉଡ଼ାନ୍ ସ୍କିମ୍ ଜାରି ରଖୁ । ଏହାବ୍ୟତୀତ‘ତୁରନ୍ତ ଝାରସୁଗୁଡ଼ା ବିମାନବନ୍ଦରର ନାଁ ପରିବର୍ତ୍ତନ ନେଇ ବିଜ୍ଞପ୍ତି ବାହାରୁ’ବୋଲି ଜୋର ଦେଇ ଚିଠିରେ ଉଲ୍ଲେଖ କରିଛନ୍ତି ନବୀନ ।