ଛଟ୍ ପୂଜାରେ ହସିଲେ ସୂର୍ଯ୍ୟଦେବ ! NASA ଜାରି କଲା ସୂର୍ଯ୍ୟଙ୍କ ହସିଲା ଫଟୋ

କନକ ବ୍ୟୁରୋ: ନିକଟରେ ନାସା ସୂର୍ଯ୍ୟଙ୍କ ଏପରି ଏକ ଫଟୋ ଜାରି କରିଛି ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ, ବିଶେଷ କରି ଭାରତୀୟ । ନାସା ଜାରି କରିଥିବା ଫଟୋରେ ସୂର୍ଯ୍ୟ ହସୁଥିବା ଦେଖିବାକୁ ମିଳୁଛି । ଏବେ ପ୍ରସିଦ୍ଧ ଛଟ୍ ପୂଜା ଚାଲିଥିବାବେଳେ ଖୁସିରେ ସୂର୍ଯ୍ୟଦେବ ହସୁଥିବା ଟ୍ରେଣ୍ଡ ହେଉଛି ।
ପିଲାମାନେ ଅନେକ ସମୟରେ ସୂର୍ଯ୍ୟଙ୍କ ଚିତ୍ର ଆଙ୍କି ସେଥିରେ ଆଖି ନାକ ପାଟି କରିଦେବାର ଦେଖାଯାଏ । ତେବେ ପିଲାଙ୍କ ଏହି ଛବିକୁ ଆଉ କାଳ୍ପନିକ କୁହାଯାଇପାରିବ ନାହିଁ । କାରଣ ନାସା ସାଟେଲାଇଟ୍ କ୍ୟାମେରାରେ ଧରାପଡିଛି ସୂର୍ଯ୍ୟଙ୍କ ହସିଲା ହସିଲା ମୁହଁ । ଏନେଇ ଆମେରିକାର ମହାକାଶ ଏଜେନ୍ସି ମଧ୍ୟ ଦାବି କରିଛି ।

ନାସା ବୈଜ୍ଞାନିକଙ୍କ କହିବା ମୁତାବକ, ସୂର୍ଯ୍ୟଙ୍କ ଏହି ହସିଲା ଫଟୋ ଚଳିତ ସପ୍ତାହରେ ହିଁ ଉଠାଯାଇଛି । ଏହାକୁ ଦେଖି ଯେ କେହି ବି ଆଶ୍ଚର୍ଯ୍ୟ ହେବ । ସୂର୍ଯ୍ୟଙ୍କ ଏହି ଫଟୋରେ ଏପରି କିଛି ପ୍ୟାଟର୍ଣ୍ଣ ଉଠିଛି ଯାହାକୁ ଦେଖିଲେ ସୂର୍ଯ୍ୟ ହସିବା ପରି ଦେଖାଯାଉଛନ୍ତି । ଆମେରିକାର ଅନ୍ତରୀକ୍ଷ ଏଜେନ୍ସି ଏହାକୁ Smiling Sun  କ୍ୟାପସନ୍ ଦେଇଛି ।

Say cheese! 📸

Today, NASA’s Solar Dynamics Observatory caught the Sun "smiling." Seen in ultraviolet light, these dark patches on the Sun are known as coronal holes and are regions where fast solar wind gushes out into space. pic.twitter.com/hVRXaN7Z31

— NASA Sun, Space & Scream 🎃 (@NASASun) October 26, 2022

ନାସା ଟ୍ୱିଟ୍ କରି କହିଛି ଯେ, ନାସାର ସୋଲାର ଡାଇନାମିକ୍ସ ଅବଜେରଭେଟୋରୀ ସୂର୍ଯ୍ୟଙ୍କୁ ହସୁଥିବାବେଳେ ଫଟୋ ଉଠାଇଛି । ପ୍ରକୃତ କଥା ହେଉଛି ସୂର୍ଯ୍ୟଙ୍କଠାରେ ଦେଖାଯାଉଥିବା ଏହି କଳା ଅଂଶ ହେଉଛି କୋରୋନଲ ହୋଲ Coronal holes  । ଏଠାରୁ ସୂର୍ଯ୍ୟଙ୍କ ଠାରୁ ଦ୍ରୁତ ଗତିରେ ପବନ ଅନ୍ତରୀକ୍ଷ ଆଡକୁ ଗତି କରେ ।