ଶେଷ ହେଲା ଅପେକ୍ଷା, କୃଷିମନ୍ତ୍ରୀ କହିଲେ କେବେ ମିଳିବ ପି.ଏମ କିଷାନ ନିଧି ଯୋଜାନର ୧୧ ତମ କିସ୍ତି
କନକ ବ୍ୟୁରୋ : କେନ୍ଦ୍ର ସରକାର ଦେଶର କୃଷକମାନଙ୍କୁ ଆର୍ଥିକ ସହାୟତା ଯୋଗାଇ ଦେବା ନାମରେ ପ୍ରଧାନମନ୍ତ୍ରୀ କିଷାନ ନିଧି ଯୋଜନା ନାମରେ ଏକ ଯୋଜନା ପ୍ରଣୟନ କରିଛନ୍ତି । ଏହି ଯୋଜନା ମୁତାବକ ଦେଶର ପ୍ରତ୍ୟେକ ଚାଷୀଙ୍କୁ ବାର୍ଷିକ ୬ ହଜାର ଟଙ୍କା ପ୍ରଦାନ କରାଯାଉଛି । ଏହି ୬ ହଜାର ଟଙ୍କାକୁ କେନ୍ଦ୍ର ସରକାର ୩ ଟି କିସ୍ତିରେ କୃଷକମାନଙ୍କ ବ୍ୟାଙ୍କ ଆକାଉଣ୍ଟରେ ପ୍ରଦାନ କରୁଛନ୍ତି । ଏପର୍ଯ୍ୟନ୍ତ ଦେଶର କୃଷକମାନଙ୍କୁ ଏହି ଯୋଜନାରେ ୧୦ ଟି କିସ୍ତି ମିଳିସାରିଛି । ହେଲେ କେବେ ୧୧ ତମ କିସ୍ତି ଆସିବ ସେନେଇ କୃଷକମାନେ ଅପେକ୍ଷା କରିଥିବା ବେଳେ ତାରିଖ ଘୋଷଣା କରିଛନ୍ତି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମର ।
Kanak News is now on WhatsApp
Join and get latest news updates delivered to you via WhatsApp
ମଧ୍ୟପ୍ରଦେଶରେ ଆୟୋଜିତ ଏକ କାର୍ଯ୍ୟକ୍ରମରେ କୃଷିମନ୍ତ୍ରୀ କହିଛନ୍ତି କି ମଇ ୩୧ ତାରିଖରେ କେନ୍ଦ୍ର ସରକାର ପ୍ରଧାନମନ୍ତ୍ରୀ କିଷାନ ନିଧି ଯୋଜନାର ୩୧ ତମ କିସ୍ତି କୃଷକମାନଙ୍କ ଖାତାକୁ ପଠାଇବେ । ଆପଣଙ୍କୁ କହିରଖୁ କି ୧୧ ତମ କିସ୍ତି ପାଇବାକୁ କୃଷକମାନେ ଇ-କେୱାଇସି କରିବାର ଆବଶ୍ୟକତା ରହିଛି । ସୂଚନା ମୁତାବକ ଏହି ଯୋଜନାରୁ ଲାଭ ପାଉଥିବା ୧୨.୫ କୋଟି କୃଷକ ସେମାନଙ୍କ ଇ-କେୱାଇସି ପ୍ର୍ରକ୍ରିୟା ପୁରା କରିସାରିଛନ୍ତି । ବାକି ଯେଉଁମାନେ ରହିଛନ୍ତି ସେମାନେ ତୁରନ୍ତ ଏହି ପ୍ରକ୍ରିୟା ଶେଷ କରିବାକୁ ଅନୁରୋଧ କରାଯାଇଛି ।