କଳିକେଶ, ନରସିଂହ କଥା କଟାକଟି । କଳାକାରଙ୍କ କଳିକୁ ନେଇ ପରସ୍ପରକୁ କଟାକ୍ଷ
କନକ ବ୍ୟୁରୋ : ଓଲିଉଡ୍ ବିବାଦରେ ରାଜନୀତିର ରଂଗ ଲାଗିବା ପରେ, ଏହାକୁ ସହଜରେ ଗ୍ରହଣ କରିପାରି ନାହାନ୍ତି ବଲାଙ୍ଗୀର ବିଜେଡିର ଟାଣୁଆ ନେତା ତଥା ପୂର୍ବତନ ସାଂସଦ କଳିକେଶ ସିଂଦେଓ । ସେ ସିଧାସିଧା ବଲାଙ୍ଗୀର ବିଧାୟକ ନରସିଂହ ମିଶ୍ରଙ୍କୁ ଟାର୍ଗେଟ କରିଛନ୍ତି । ଆଗକୁ ନିର୍ବାଚନ ଆସୁଥିବାରୁ ଏହି ଘଟଣାକୁ ନେଇ ରାଜନୀତି କରାଯାଉଥିବା କଳିକେଶ ଅଭିଯୋଗ କରିଛନ୍ତି । କଳିକେଶଙ୍କ ଅଭିଯୋଗର ଜବାବ ରଖି ନରସିଂହ ମିଶ୍ର କହିିଛନ୍ତି, ରାଜନ÷ତିକ ଲୋକ ରାଜନୀତି ନକରି କ’ଣ କରିବୁ?
Kanak News is now on WhatsApp
Join and get latest news updates delivered to you via WhatsApp
ଗୁରୁତ୍ୱପୂର୍ଣ୍ଣ କଥା ହେଉଛି, କଳିକେଶ, ନରସିଂହଙ୍କୁ କେବଳ କଳାକାରଙ୍କ କଳିକୁ ନେଇ ନୁହେଁ ବଲାଙ୍ଗୀରର ବିକାଶ ପ୍ରସଙ୍ଗରେ କଟାକ୍ଷ କରିଛନ୍ତି । ବିଧାୟକ ୧୦ ବର୍ଷ ଭିତରେ କେତେଥର ବିଧାନସଭାରେ ପଶ୍ଚିମ ଓଡ଼ିଶା ପ୍ରସଙ୍ଗ ଉଠାଇଛନ୍ତି ବୋଲି ପଚାରିଛନ୍ତି । ଏବଂ ଶସ୍ତା ରାଜନୀତି କହି ନିନ୍ଦା କରିଛନ୍ତି । ଜବାବରେ କଳିକେଶଙ୍କୁ ପର୍ଯ୍ୟଟକ ବୋଲି କହି କଟାକ୍ଷ କରିଛନ୍ତି ନରସିଂହ । କହିଛନ୍ତି, ଯେଉଁମାନେ ବଲାଙ୍ଗୀରରେ ରୁହନ୍ତି ନାହିଁ ସେମାନେ କେମିତି ଜଣିବେ କ’ଣ ବିକାଶ ହୋଇଛି ।.. ଅନଙ୍ଗ ଉଦୟ ସିଂଦେଓ ମଧ୍ୟ କଳାକାରଙ୍କୁ ନେଇ ରାଜନୀତି ନକରିବାକୁ କହିଛନ୍ତି ।
କଳାକାରଙ୍କ କଳି ଭିତରେ ପ୍ରଥମ ନେତା ଭାବେ ନରସିଂହ ମିଶ୍ର ସାମନାକୁ ଆସି ମନୋଜ ମିଶ୍ରଙ୍କୁ ସମର୍ଥନ କରିଥିଲେ । ମନୋଜଙ୍କ ଉପରୁ ବାସନ୍ଦ ପ୍ରତ୍ୟାହାର କରାନଗଲେ, ଓଡିଶା ଦୁଇ ଭାଗ ହୋଇଯିବ ବୋଲି କହିଥିଲେ । ନରସିଂହଙ୍କ ଭଳି ବରିଷ୍ଠ ନେତା ଏଭଳି ବୟାନ ଦେବା ସାରା ରାଜ୍ୟରେ ଚର୍ଚ୍ଚାର ବିଷୟ ହୋଇଥିଲା ।