ରାଜଧାନୀରେ ଚାଂଚଲ୍ୟ । ଭୁବନେଶ୍ୱର ଉପକଣ୍ଠ ଲିଙ୍ଗିପୁର ଅଂଚଳରୁ ମହିଳା ଆଇନଜୀବୀଙ୍କ ଝୁଲନ୍ତା ମୃତଦେହ ଉଦ୍ଧାର ।
କନକ ବ୍ୟୁରୋ : ଭୁବନେଶ୍ୱର ଉପକଣ୍ଠ ଲିଙ୍ଗିପୁର ଅଂଚଳରୁ ଜଣେ ମହିଳା ଆଇନଜୀବୀଙ୍କ ମୃତଦେହ ଉଦ୍ଧାର । ଭଡା ଘରେ ଝୁଲୁଥିବା ଅବସ୍ଥାରେ ମହିଳାଙ୍କ ମୃତ ଦେହକୁ ଉଦ୍ଧାର କରାଯାଇଛି । ମୃତକଙ୍କ ଘର ବାଲେଶ୍ୱର ଜିଲ୍ଲାରେ ଓ ତାଙ୍କ ନାଁ ଦୀପାଳି ପ୍ରିୟଦର୍ଶିନୀ ଜେନା ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଦୀପାଳି ତାଙ୍କ ସାନ ଭଉଣୀ ସହ ଏଠାରେ ଭଡାଘରେ ରହୁଥିଲେ । ସାନ ଭଉଣୀ ସେଫାଳି ପ୍ରିୟଦର୍ଶିନୀ ଗତକାଲି ତାଙ୍କର ସାଙ୍ଗ ଘରକୁ ଯାଇଥିଲେ । ବଡ ଭଉଣୀ ଦୀପାଳି ତାଙ୍କ ପୁରୁଷ ବନ୍ଧୁ ବିକ୍ରମ କେଶରୀଙ୍କ ସହ ଗୋଟିଏ ଘରେ ଏକାଠି ରହିଥିଲେ । ପୁରୁଷ ବନ୍ଧୁ ବାଲେଶ୍ୱର ଜିଲ୍ଲା ସିମୁଳିଆ ଅଂଚଳର । ସେ ଜଣେ ବ୍ୟବସାୟ କରନ୍ତି । ମୃତ ଯୁବତୀ ଓକିଲାତି ପାସ୍ କରି ପ୍ରାକ୍ଟିସ କରୁଥିବା ପ୍ରାଥମିକ ତଦନ୍ତରୁ ଜଣାପଡିଛି । ପୋଲିସ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତେବେ ଭଉଣୀର ମୃତ୍ୟୁ ହେବା ପରେ ଦୀପାଳିଙ୍କ ପୁରୁଷ ବନ୍ଧୁଙ୍କ ଭୂମିକାକୁ ନେଇ ପ୍ରଶ୍ନ ଉଠାଇଛନ୍ତି ତାଙ୍କ ଭଉଣୀ ।