ସମ୍ବଲପୁରରେ ଟ୍ରିପଲ ମର୍ଡର ଘଟଣା : କିଏ ଓ କାହିଁକି କଲା ହତ୍ୟା ? ଖିଅ ଖୋଜୁଛି ପୋଲିସ; ନିଖୋଜ ଥିବା ଭଡାଟିଆ ଉପରେ ପୋଲିସର ନଜର
କନକ ବ୍ୟୁରୋ : ସମ୍ବଲପୁର ଟ୍ରିପଲ ମର୍ଡର ଘଟଣାର ଖିଅ ଖୋଜୁଛି ପୋଲିସ । କିଏ ଓ କାହିଁକି କଲା ହତ୍ୟା ? ତିନି ଜଣଙ୍କୁ ମାରିଲା କିଏ ? କାହିଁକି ଏପରି ନୃସଂଶ ଭାବେ ମା’ ଓ ଦୁଇ ପିଲାଙ୍କୁ ହତ୍ୟା କଲା ଅଭିଯୁକ୍ତ । ଏସବୁ ଘଟଣା ପଛରେ ଫେରାର ଥିବା ଭଡାଟିଆଙ୍କ ଉପରେ ସନ୍ଦେହ ବଢିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ସଲମାନ ଅହମ୍ମଦ ନାଁରେ ସେ ମୃତକଙ୍କ ଘରେ ରହୁଥିବା ବେଳେ ଗତ କିଛି ମାସ ତଳେ ଗୁରଦୀପ ସିଂହ ନାଁରେ ଏକ ମାମଲାରେ ଗିରଫ ହୋଇଥିଲା । ଯାହାକୁ ନେଇ ପୋଲିସ ଏବେ ଅଡୁଆରେ ପଡ଼ିଛି । ସଲମାନ୍ ନା ଗୁରଦୀପ, କେଉଁ ନାଁରେ ପୋଲିସ ସନ୍ଦିଗ୍ଧକୁ ଖୋଜିବ ତାକୁ ନେଇ ଅଡୁଆରେ ବଢିଛି । ସନ୍ଦିଗ୍ଧକୁ ଧରିବା ପାଇଁ ଗୋଟିଏ ଟିମ୍ ରାଜ୍ୟ ବାହାରକୁ ଯାଇଛି । ଶନିବାର ରାତିରେ ସମ୍ବଲପୁର ଧନୁପାଲି ଥାନା ସୁନାପାଲି ଅଂଚଳରେ ବନ୍ଦ ଘରୁ ତିନି ଜଣଙ୍କ ମୃତଦେହ ଉଦ୍ଧାର କରାଯାଇଥିଲା । ଗତକାଲି ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ବାହାର କରିବା ପରେ ବ୍ୟବଚ୍ଛେଦ ପାଇଁ ପଠାଯାଇଥିଲା ।