ନୂଆ ଧମାକା କରିବ ରିଲାଏନ୍ସ ଜିଓ ! ଗ୍ରାହକଙ୍କୁ ମାଗଣାରେ ଦେବ ୧୧୦୦ ଜିବି ଡାଟା
ଟେଲିକମ ସେକ୍ଟରରେ ବୈପ୍ଲବିକ ପରିବର୍ତ୍ତନ ଆଣିଥିବା ମୁକେଶ ଅମ୍ବାନିଙ୍କ କମ୍ପାନି ରିଲାଏନ୍ସ ଜିଓ ଏବେ ଇଣ୍ଟନେଟ ଦୁନିଆରେ ଝଡ଼ ସୃଷ୍ଟି କରିବାକୁ ଯାଉଛି । କମ୍ପାନି ଜିଓଫାଇବର ସର୍ଭିସ ଦ୍ୱାରା ବ୍ରଡ଼ବ୍ୟାଣ୍ଡ ଇଣ୍ଟରନେଟ ଦୁନିଆକୁ ହାତମୁଠାକୁ ଆଣିବାକୁ ଚେଷ୍ଟା କରୁଛି । ଦେଶର କେତୋଟି ପ୍ରମୁଖ ସହରରେ ୧.୧ ଟିବି (ଟେରାବାଇଟ) ଫ୍ରି ଡାଟା ସହ ହାଇସ୍ପିଡ଼ ଫାଇବର ଟୁ ଦ ହୋମ ବ୍ରଡ଼ବ୍ୟାଣ୍ଡ ସେବା ଦେବା ଆରମ୍ଭ କରିଛି । ଏହି ବ୍ରଡ଼ବ୍ୟାଣ୍ଡ ସେବାରେ ଡାଟା ସ୍ପିଡ଼ ୧୦୦ ଏମବିପିଏସ ରହିବ । ଚଳିତବର୍ଷର ସେକେଣ୍ଡ ହାଫରେ ଏହି ସେବା ଆରମ୍ଭ କରିବାକୁ ଯାଉଛି ରିଲାଏନ୍ସ ଜିଓ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ପ୍ରଥମରୁ (FTTH) ପ୍ଲାନରେ ୧୦୦ ଏମବିପିଏସ ସ୍ପିଡ଼ ସହ ୧୦୦ ଜିବିର ଡାଟା ଫ୍ରିରେ ମିଳିବ । ଏହି ୧୦୦ ସମାପ୍ତ ହେବା ପରେ ଗ୍ରାହକ ଗୋଟିଏ ମାସରେ ୪୦ ଜିବି ଲେଖାଏଁ ୨୫ ଥର ଫ୍ରି ରିଜାର୍ଚ କରିପାରିବେ । ଦେଖିବାକୁ ଗଲେ ମୋଟ ଉପରେ ଗୋଟିଏ ମାସରେ ମୋଟ ୧୧୦୦ ଜିବି ଡାଟା ଫ୍ରିରେ ପାଇବେ ଗ୍ରାହକ ।
କମ୍ପାନିର ଏହି ସର୍ଭିସ ଉଭୟ ଘରୋଇ ଓ ବ୍ୟବସାୟିକ କ୍ଷେତ୍ରର ଗ୍ରାହକ ବ୍ୟବହାର କରିପାରିବେ । ଏହାଛଡ଼ା ବିନା କେବଲ ତାରରେ ଘରର ପ୍ରତି କୋଣ ପର୍ଯ୍ୟନ୍ତ ୱାଇଫାଇ କଭରେଜ ପହଞ୍ଚାଇବା ପାଇଁ ଏକ୍ସଟେଣ୍ଡ ବିକଳ୍ପ ମଧୃ ରହିଛି । ଜିଓଫାଇବର ସେବା ପାଇଁ ଗ୍ରାହକଙ୍କୁ ପ୍ରଥମେ ସିକ୍ୟୁରିଟି ବାବଦକୁ ୪୫୦୦ ଟଙ୍କା ଦେବାକୁ ପଡ଼ିବ । ତେବେ ଗ୍ରାହକ ଦେଇଥିବା ଏହି ଟଙ୍କା ପଛରେ ଫେରିପାଇବେ ।
ଏଠାରେ ସୂଚନାଯୋଗ୍ୟ ଯେ, ଏବେ ଦେଶରେ ଜିଓର ମୋଟ ୩ ଲକ୍ଷ କିଲୋମିଟରରୁ ଉଦ୍ଧ୍ୱର୍ ଅପଟିକ ଫାଇବର ନେଟୱର୍କ ରହିଛି । ତେଣୁ ଏହି ସୁବିଧା ପୂରା ଦେଶରେ ପହଞ୍ଚାଇବା ପାଇଁ ଜିଓକୁ ବେଶୀ କଷ୍ଟ କରିବାକୁ ପଡିବନି । କିନ୍ତୁ କମ୍ପାନି ଏବେ ଦେଶର ପ୍ରମୁଖ ସହର ମୁମ୍ବାଇ, ଦିଲ୍ଲୀ, ଚେନ୍ନାଇ, ଅହମ୍ମଦାବାଦ, ବରୋଦା, ଓ ଜାମନଗରରେ ଜିଓଫାଇବର ସେବା ଆରମ୍ଭ କରିଛି ।