କନକ ବ୍ୟୁରୋ: ଆଇପିଏଲରୁ ଅବସର ନେବେ କି ଟିମ୍ ଇଣ୍ଡିଆର କ୍ୟାପଟେନ୍ କୁଲ୍ ମହେନ୍ଦ୍ର ସିଂହ ଧୋନୀ ? ଫେସବୁକ୍ ଲାଇଭରେ କଣ ବଡ ଘୋଷଣା କରିବେ ମାହି? ଏହି କଥାକୁ ନେଇ ଏବେ ସବୁଠି ଚାଲିଛି ଜୋରଦାର ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଉଛି, ଶନିବାର ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ଫେସବୁକରେ ଏକ ଫଟୋ ସେୟାର କରିଥିଲେ । ଆଉ ରବିବାର ଦିନ ୨ଟା ସମୟରେ ସେ ଫେସବୁକ ଲାଇଭରେ ଆସି କିଛି ବଡ ଘୋଷଣା କରିବେ ବୋଲି ସୂଚନା ଦେଇଥିଲେ । ଯାହା ତାଙ୍କ ଫ୍ୟାନ୍ସଙ୍କୁ ଚର୍ଚ୍ଚାର ଖୋରାକ୍ ଯୋଗେଇଥିବାବେଳେ, କ୍ରିକେଟ୍ ପଣ୍ଡିତମାନେ ଏହାକୁ ନେଇ ଆଲୋଚନା କରିବା ଆରମ୍ଭ କରିଦେଇଛନ୍ତି ।
ଆଜିକୁ ଠିକ୍ ୧୫ ବର୍ଷ ତଳେ ମାହିଙ୍କ ନେତୃତ୍ୱରେ ଟିମ୍ ଇଣ୍ଡିଆ ବିଶ୍ୱକପ୍ ଜିତିଥିଲା । ଚଳିତ ବର୍ଷ ସେପ୍ଟେମ୍ବର ୨୪ ତାରିଖକୁ ଏହା ୧୫ ବର୍ଷ ପୂରଣ କରିଛି । ଖାଲି ସେତିକି ନୁହେଁ, ଅନ୍ତର୍ଜାତୀୟ କ୍ରିକେଟରୁ ମାହି ଯେପରି ଭାବେ ଅବସର ଘୋଷଣା କଲେ, ତେଣୁ ଆସନ୍ତାକାଲି ସେ କେଉଁ ଘଟଣାରେ ବଡ ସୂଚନା ଦେବେ ତାକୁ ନେଇ ଚର୍ଚ୍ଚା ଆରମ୍ଭ ହେଇଛି ।