ଶ୍ରୀମନ୍ଦିର ସଂସ୍କାର ପାଇଁ ଲଢେଇ ଆରମ୍ଭ କରିଥିବା ଆଇନଜୀବୀଙ୍କ ୟୁ ଟର୍ଣ୍ଣ । ‘ବିନ୍ ଭୋଜନ ଭଜନ କାହାଁ’ କହି ସେବାୟତଙ୍କ ସପକ୍ଷରେ ବାଢିଲେ ଯୁକ୍ତି
କନକ ବ୍ୟୁରୋ: ଶ୍ରୀମନ୍ଦିର ସଂସ୍କାର ପାଇଁ ଲଢେଇ ଆରମ୍ଭ କରିଥିବା ଆଇନଜୀବୀ ମୃଣାଳିନୀ ପାଢୀ ହଠାତ ୟୁ ଟର୍ଣ୍ଣ ମାରିଛନ୍ତି । ମୃଣାଳିନୀଙ୍କ ଜନସ୍ୱାର୍ଥ ମାମଲାର ବିଚାର କରି ସ୍ରୁପ୍ରିମକୋର୍ଟ ଶ୍ରୀମନ୍ଦିରରେ ସେବାୟତଙ୍କ ଦାନ ଦକ୍ଷିଣା ଉପରେ ରୋକ ଲଗାଇଥିବା ବେଳେ ଏବେ ଖୋଦ ମୃଣାଳିନୀ ସେବାୟତ ସପକ୍ଷରେ ଓକିଲାତି କରିବାକୁ ଆଗେଇ ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୃଣାଳିନୀ ‘ବିନ୍ ଭୋଜନ ଭଜନ କାହାଁ’ ବୋଲି ଉଲ୍ଲେଖ କରି ଗରିବ ସେବାୟତଙ୍କ ପେଟପାଟଣା କଥା ଚିନ୍ତା କରିବାକୁ ଶ୍ରୀମନ୍ଦିର ପ୍ରଶାସନକୁ ଚିଠି ଲେଖିଛନ୍ତି । ଗତ ୪ ମାସ ଧରି ସେବାୟତମାନେ ପାଳିଆ ପୁରସ୍କାର ପାଉନଥିବାରୁ ସେମାନଙ୍କ ଜୀବନଜୀବିକା ବିପନ୍ନ ହୋଇପଡିଛି । ରାଜ୍ୟ ସରକାରଙ୍କ ଦାରିଦ୍ରଦୂରୀକରଣ ଯୋଜନାରେ ବିପିଏଲ ତାଲିକାରେ ସାମିଲ ଥିବା ସେବାୟତଙ୍କୁ ସହଯୋଗ କରିବାକୁ ମୃଣାଳିନୀ ପାଢୀ ଶ୍ରୀମନ୍ଦିର ପ୍ରଶାସକଙ୍କୁ ଅନୁରୋଧ କରିଛନ୍ତି ।
ଶ୍ରୀମନ୍ଦିରରେ ବାରମ୍ବାର ବିଶୃଙ୍ଖଳା ନେଇ ସୁପ୍ରିମକୋର୍ଟଙ୍କ ଦୃଷ୍ଟି ଆକର୍ଷଣ କରିଥିଲେ ଅବେଦନକାରୀ ବରିଷ୍ଠ ଆଇନଜ୍ଞ ମୃଣାଳିନୀ ପାଢ଼ୀ । ନବକଳେବର ବିଭ୍ରାଟ, ଠାକୁର ଉପାସରେ ରହିବାଠାରୁ ଆରମ୍ଭ କରି ରତ୍ନଭଣ୍ଡାର ଚାବି ହଜିବା ଯାଏଁ ଘଟଣାକୁ ଆବେଦନରେ ଦର୍ଶାଇଥିଲେ । ଯାହାକୁ ବିଚାର କରି କଡା ଆଭିମୁଖ୍ୟ ଦେଖାଇଥିଲେ ସୁପ୍ରିମକୋର୍ଟ । ବିଶ୍ୱ ପ୍ରସିଦ୍ଧ ପୁରୀ ଶ୍ରୀମନ୍ଦିର ପରିଚାଳନାରେ ସଂସ୍କାର ଆଣିବା ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶ କୋଟି କୋଟି ଭକ୍ତି ଓ ଜଗନ୍ନାଥ ପ୍ରେମୀଙ୍କୁ ଆଶ୍ୱସ୍ତ କରିଥିଲା । ଆଉ ସମସ୍ତଙ୍କ ମନରେ ଆଶା ସଂଚାର ହୋଇଥିଲା ଯେ, ସବୁକିଛି ବ୍ୟବସ୍ଥିତ କରିବା ପାଇଁ କିଛି ଠୋସ ପଦକ୍ଷେପ ନିଆଯିବ ।
ଶ୍ରୀମନ୍ଦିରରେ ସେବାୟତଙ୍କ ଦୌରାତ୍ମ୍ୟ ନେଇ ଯେଉଁ ଅଭିଯୋଗ ହୋଇଆସୁଛି ସେଥିରୁ ମୁକ୍ତି ମିଳିବ ବୋଲି ହେଲେ ଶ୍ରୀମନ୍ଦିର ସଂସ୍କାର ପାଇଁ ଲଢେଇ ଆରମ୍ଭ କରିଥିବା ଆଇନଜୀବୀ ମୃଣାଳିନୀ ପାଢୀ ହଠାତ୍ ୟୁ ଟର୍ଣ୍ଣ ମାରିଛନ୍ତି । ଆଉ ସେବାୟତଙ୍କ ଦାନ ଦକ୍ଷିଣା ଉପରେ ରୋକ ଲଗାଇବା ପରିବର୍ତ୍ତେ ଏବେ ଖୋଦ ମୃଣାଳିନୀ ସେବାୟତ ସପକ୍ଷରେ ଓକିଲାତି କରିବାକୁ ଆଗେଇ ଆସିଛନ୍ତି ।