କୋଡିଏ ମିନିଟରେ ‘କରୋନା’ର କାମ ଖତମ? ମହାମାରୀକୁ ମାତ୍ ଦେବ ମାଉଥ୍ ସ୍ପ୍ରେ ? କଂପାନୀର ଦାବି, ଏହି ସ୍ପ୍ରେକୁ ବ୍ୟବହାର କରିବା ଦ୍ୱାରା କିଛି କ୍ଷଣ ଭିତରେ ମରିିଯିବେ କୌଣସି ବି ଘାତକ ଭାଇରସ
କନକ ବ୍ୟୁରୋ: ସାରା ବିଶ୍ୱରେ କରୋନା ଭାଇରସର କାୟା କମିବାର ନାଁ ଧରୁନି । ଏହି ଭୟଙ୍କର ମହାମାରୀ କାରଣରୁ ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ପ୍ରତିଦିନ ବଢିବାରେ ଲାଗିଛି । ଅନ୍ୟପଟେ କରୋନା ମହାମାରୀକୁ ପ୍ରତିହତ କରିବା ପାଇଁ ଭାରତ ସମେତ ବିଶ୍ୱର ବହୁ ବଡ ବଡ ଦେଶ ପ୍ରତିଷେଧକ ପ୍ରସ୍ତୁତ କରିବାରେ ଦିନରାତି ଏକ କରିଦେଇଥିବା ବେଳେ ଏବେ ପ୍ରାୟ ୨୧ରୁ ଅଧିକ ଭ୍ୟାକସିନ ଟ୍ରାଏଲର ବିଭିନ୍ନ ଫେଜରେ ରହିଛି । ତେବେ ଭ୍ୟାକସିନ ବ୍ୟତୀତ କରୋନା ମହାମୀରର ଚିକିତ୍ସା ପାଇଁ ଔଷଧକୁ ନେଇ ମଧ୍ୟ ଗବେଷଣା ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
ଇତି ମଧ୍ୟରେ ସ୍ୱିଡେନର ଏକ କଂପାନୀ କୋଭିଡ୍ ଭାଇରସ ବିରୁଦ୍ଧରେ ଲଢିବାକୁ ଏକ ସ୍ୱତନ୍ତ୍ର ମାଉଥ୍ ସ୍ପ୍ରେ ପ୍ରସ୍ତୁତ କରିଥିବା ଦାବି କରିଛି । ଯାହାକି ମାତ୍ର ୨୦ ମିନିଟରେ ଭୁତାଣୁକୁ ନଷ୍ଟ କରିଦେବ ବୋଲି କଂପାନୀ ପକ୍ଷରୁ ଜାରି ବିବୃତିରେ କୁହାଯାଇଛି । ଜାତୀୟ ଗଣମାଧ୍ୟମ ଫିନାନସିଆଲ ଏକ୍ସପ୍ରେସରେ ପ୍ରକାଶିତ ଖବର ଅନୁସାରେ, ସ୍ୱିଡେନ ଲାଇଫ୍ ସାଇନ୍ସ କଂପାନୀ ଏନଜାଇମେଟିକା ପକ୍ଷରୁ କରୋନା ମହାମାରୀକୁ ମୁକାବିଲା କରିବା ପାଇଁ ଏକ ପ୍ରକାର ମାଉଥ୍ ସ୍ପ୍ରେ ତିଆରି କରିଛି । ଯାହାକୁ ବ୍ୟବହାର କରିବାର ମାତ୍ର ୨୦ ମିନିଟ୍ ମଧ୍ୟରେ ହିଁ ଭାଇରସ ନଷ୍ଟ ହୋଇଯିବ ବୋଲି କଂପାନୀ ତରଫରୁ ଦାବି କରାଯାଇଛି ।
ସେହିଭଳି ମାଉଥ୍ ସ୍ପ୍ରେକୁ ନେଇ କଂପାନୀ ତରଫରୁ ଏକ ରିପୋର୍ଟ ମଧ୍ୟ ପ୍ରକାଶ ପାଇଛି, ଯେଉଁଥିରେ ନୂତନ କରୋନା ଭୁତାଣୁ ସାର୍ସ-କୋଭିଡ-୨କୁ ଏହି ସ୍ପ୍ରେ ଜରିଆରେ ପ୍ରାୟ ୯୮ ପ୍ରତିଶତ ନଷ୍ଟ କରାଯାଇପାରିବ । ଏହାବ୍ୟତୀତ ଏହି ସ୍ପ୍ରେ ମଣିଷକୁ ଅନ୍ୟ ଜୀବାଣୁମାନଙ୍କଠାରୁ ମଧ୍ୟ ରକ୍ଷା କରିପାରିବ ବୋଲି ଯୁକ୍ତି ବାଢିବା ସହ ଏହି ସ୍ପ୍ରେର ନାଁ କୋଲ୍ଡଜାଇମ ରଖିଛି କଂପାନୀ ।