ଶ୍ରୀଜଗନ୍ନାଥଙ୍କ ଶ୍ରୀଅଙ୍ଗକୁ ବିପଦ! ଶ୍ରୀମନ୍ଦିର ଗର୍ଭଗୃହରେ ମାତିଛନ୍ତି ମୂଷା
କନକ ବ୍ୟୁରୋ: ଶ୍ରୀମନ୍ଦିର ଗର୍ଭଗୃହରେ ମୂଷାଙ୍କ ଉତ୍ପାତ ଯୋଗୁଁ ଏବେ ସଙ୍କଟରେ ଶ୍ରୀବିଗ୍ରହଙ୍କ ଶ୍ରୀଅଙ୍ଗ । ରାତି ହେଲେ ରତ୍ନସିଂହାସନରେ ଆତଙ୍କ ଖେଳାଉଛନ୍ତି ବଡ ବଡ ମୂଷା । ଆଉ ଶ୍ରୀଅଙ୍ଗକୁ କ୍ଷତି ପଂହଚାଉଛନ୍ତି । କୁହାଯାଉଛି, କନକମୁଣ୍ଡି ଚାନ୍ଦୁଆରେ ଘର କରିଛନ୍ତି ଏହି ବଡ ବଡ ମୂଷା । ଆଉ ପହଡ ପରେ ଅନ୍ଧାରର ସୁଯୋଗ ନେଇ ଠାକୁରଙ୍କ ଶ୍ରୀଅଙ୍ଗକୁ ଟାର୍ଗେଟ କରୁଛନ୍ତି । ରତ୍ନସିଂହାସନରେ ଡିଆଁ ମାରୁଛନ୍ତି ବଡ ବଡ ମୂଷା । ପ୍ରତ୍ୟେକ ମାସରେ ମହାପ୍ରଭୁଙ୍କ ବନକଲାଗି ହେଉଥିବାରୁ ଶ୍ରୀମୁଖ ପ୍ରତି ବିପଦ ରହିଥିବା କହିଛନ୍ତି ସେବାୟତ । ପ୍ରଶାସନ ମଧ୍ୟ ଏଥପ୍ରତି ଧ୍ୟାନ ଦେଉନଥିବା ସେବାୟତ ଅଭିଯୋଗ କରିଛନ୍ତି ।
ଶ୍ରୀମନ୍ଦିରର ଗର୍ଭଗୃହରେ ମୂଷାଙ୍କ ଉତ୍ପାତ ଚରମସମୀମାରେ ପଂହଚିଛି । କୁହଯାଉଛି,
– ମହାପ୍ରଭୁଙ୍କ ଶ୍ରୀଅଙ୍ଗରେ ଲାଗିଥିବା ନାଗନାଗୁଣି ଦୌଡିକୁ ମୂଷା କାଟିସାରିଛନ୍ତି
-ଦଉଡି ଢିଲା ହେବା ଯୋଗୁଁ ମୂଷା ଏହି ରାସ୍ତାରେ ଶ୍ରୀଅଙ୍ଗରେ ପହଞ୍ଚୁଛନ୍ତି
Kanak News is now on WhatsApp
Join and get latest news updates delivered to you via WhatsApp
ରତ୍ନସିଂହାସନ ସମ୍ମୁଖ କଳାହାଟ ଦ୍ୱାର ଦେଇ ଗର୍ଭଗୃହରେ ପଶୁଥିବା ଆଶଙ୍କା କରାଯାଉଛି
ଗର୍ଭଗୃହରେ ମୂଷାଙ୍କ ଉତ୍ପାତ ଏଭଳି ବଢିଯାଇଛି ଯେ, ବଡ ବଡ ଯନ୍ତା ମଧ୍ୟ କାମ କରୁନାହିଁ । ଶ୍ରୀଅଙ୍ଗ ଲାଗି ପୁଷ୍ପ ଅଳଙ୍କାର କାଟୁଛନ୍ତି । ତେଣ ୁ ମୁଷା ନଆସିବା ପାଇଁ ପ୍ରତିକାର କରିବା ପାଇଁ ସେବାୟତ ଦାବି କରିଛନ୍ତି । କିନ୍ତୁ ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଇଛି, ମହାପ୍ରଭୁଙ୍କ ଶ୍ରୀଅଙ୍ଗ ପ୍ରତି କୌଣସି ବିପଦ ନାହିଁ ।
ଶ୍ରୀଜଗନ୍ନାଥ କୋଟି କୋଟି ଓଡିଆଙ୍କ ଭାବାବେଗ ସହ ଜଡିତ । ତେଣୁ ସେବାୟକଙ୍କ କଥାକୁ ବିଶ୍ୱାସକୁ ନିଆଯାଇ ଗର୍ଭଗୃହରେ ମୂଷାଙ୍କ ଉତ୍ପାତକୁ ରୋକିବାକୁ ପଦକ୍ଷେପ ନେବାକୁ ଜଗନ୍ନାଥପ୍ରେମୀ ମତ ଦେଇଛନ୍ତି ।