ପୁଅ ଠାରୁ ଅଧିକ ମାର୍କ ରଖି ପାସ ହେଲେ ମା’ । ୪୭ ବର୍ଷୀୟ ସୁଜାତା ନାୟକଙ୍କୁ ନେଇ ଚର୍ଚ୍ଚା
କନକ ବ୍ୟୁରୋ : ପୁଅ ଠାରୁ ଅଧିକ ମାର୍କ ରଖି ପାସ ହେଲେ ମା’ । କନ୍ଧମାଳ ଜିଲ୍ଲା ଦାରିଙ୍ଗବାଡି ଅଞ୍ଚଳରେ ମାଟ୍ରିକ ପରୀକ୍ଷାରେ ମା ପୁଅ ପରୀକ୍ଷା ଦେଇ କୃତକାର୍ଯ୍ୟ ହୋଇଛନ୍ତି । ଘଟଣା ଦାରିଙ୍ଗବାଡି ସ୍ଥିତ ଲୋହୋରା ସାହିର । ଲୋହୋରା ସାହିର ୪୭ ବର୍ଷୀୟ ସୁଜାତା ନାୟକ ଏହି ବର୍ଷ ମାଟ୍ରିକ ପରୀକ୍ଷା ଦେଇଥିବା ବେଳେ ୧୬ ବର୍ଷର ପୁଅ ଆୟୁଷ ନାୟକ ମଧ୍ୟ ମାଟ୍ରିକ ପରୀକ୍ଷା ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୁଜତା ନାୟକ ଦାରିଙ୍ଗବାଡି ଲାଲବାହାଦୁର ବିଦ୍ୟାପୀଠରେ ଅଧ୍ୟୟନ କରୁଥିଲା ବେଳେ ପୁଅ ଆୟୁଷ ନାୟକ ଦାରିଙ୍ଗବାଡି ସରକାରୀ ଉଚ୍ଚ ବିଦ୍ୟାଳୟରେ ଅଧ୍ୟୟନ କରୁଥିଲେ । ପରୀକ୍ଷା ଦେଇ ମା ସୁଜାତା ନାୟକ ୬୦୦ ମାର୍କ ରୁ ୩୪୬ ମାର୍କ ରଖି ବି-୨ ପାଇଥିବା ବେଳେ ପୁଅ ଆୟୁଷ ନାୟକ ୬୦୦ ମାର୍କ ରୁ ୨୫୮ ମାର୍କ ରଖି ‘ଡି’ ପାଇଛନ୍ତି । ସୁଜତା ନାୟକ ମାଧ୍ୟମିକ ଶିକ୍ଷା ପରିଷଦ ଅଧୀନ ରାଜ୍ୟ ମୁକ୍ତ ବିଦ୍ୟାଳୟରେ ପରୀକ୍ଷା ଦେଇଥିଲେ । ସ୍ୱାମୀ ବିକ୍ରମ ନାୟକ ଜଣେ ରାଜ ମିସ୍ତ୍ରୀ । ବିବାହର ୩୦ବର୍ଷ ପରେ ସୁଜାତା ଆନନ୍ଦ ୧୦ମ ପରୀକ୍ଷା ଦେବା ପାଇଁ ମନ ବଳାଇ ଥିଲେ ତାଙ୍କୁ ତାଙ୍କ ସ୍ୱାମୀ । ପରୀକ୍ଷା ଦେବା ପାଇଁ ଉଛାହ ଦେଇଥିଲେ ।