ମାଲକାନଗିରି ବଣ୍ଡାଘାଟି ଅଞ୍ଚଳରେ ଭାଲୁ ସହ ଲଢି ୧୦ ବର୍ଷର ଝିଅକୁ ବଞ୍ଚାଇଲେ ମାଆ । ଧାନବିଲକୁ ଯାଇଥିବା ସମୟରେ ଖାଦ୍ୟ ଅନ୍ୱଷଣରେ ଥିବା ହିଂସ୍ର ଭାଲୁ ହାବୁଡ଼ରେ ପଡ଼ିଥିଲା ଝିଅ
କନକ ବ୍ୟୁରୋ : ମାଆ ପାଇଁ ସନ୍ତାନ ସବୁଠୁ ବଡ । ଯେତେ ବଡ ବିପଦ ହେଉନା କାହିଁକି ପିଲା ପାଇଁ ସମ୍ମୁଖରେ ଆସି ବିପଦ ଟଳିଦିଏ ମାଆ । ସେଥିପାଇଁ ତ ଦୁନିଆ ର ସବୁଠୁ ବଡ ଆଶା ଓ ଭରସା ମାଆ । ସମୟ ପଡିଲେ ନିଜ ଜୀବନକୁ ମଧ୍ୟ ବାଜି ଲଗାଇବାକୁ ପଛାଏ ନାହିଁ ମାଆ ।
Kanak News is now on WhatsApp
Join and get latest news updates delivered to you via WhatsApp
ହଁ ଆଜ୍ଞା ଆମେ ଏମିତି ଏକ ବାସ୍ତବିକ ସତ କହୁଛୁ ଯାହା ଆପଣ ଶୁଣିଲେ ବି ଆଶ୍ଚର୍ଯ ହୋଇଯିବେ । ମାଲକାନଗିରି ଜିଲ୍ଲା ବଣ୍ଡାଘାଟିରୁ ମାଆର ମମତାର ପୁଣି ଏକ ଉଦାହରଣ ସାମ୍ନାକୁ ଆସିଛି । କିର୍ଷାନୀପଡାର ସମାରି ଶିଶା ୩ ଗୋଟି ଭାଲୁ ସହିତ ଲଢି ନିଜ ୧୦ ବର୍ଷ ର ଝିଅ କୁ ହିଂସ୍ର ଭାଲୁ କବଳରୁ ବଂଚାଇଛନ୍ତି । ଝିଅ ସହ ଜମିରେ ଧାନ ରୋଇବାକୁ ଯାଇଥିଲେ ସମାରି । ଏତିକି ବେଳେ ଜଙ୍ଗଲରୁ ୩ ଟି ଭାଲୁ ଆସି ଝିଅକୁ ଆକ୍ରମଣ କରିବାକୁ ସମ୍ମୁଖରେ ଥିଲେ । ହଠାତ ସମ୍ମୁଖରେ ଯାଇ ଭାଲୁ ସହିତ ଲଢି କ୍ଷତାକ୍ତ ହୋଇଥିଲେ ସମାରି । ପରେ ଗ୍ରାମବାସୀଙ୍କ ସହାୟତାରେ ଉଭୟ ମାଆଝିଅଙ୍କୁ ଉଦ୍ଧାର କରି ଖଇରପୁଟ ମେଡିକାଲରେ ଭର୍ତି କରାଯାଇଥିଲା । ଅବସ୍ଥା ସଙ୍କଟାପନ୍ନ ହେବାରୁ ଉଭୟଙ୍କୁ ମାଲକାନଗିରି ସ୍ୱାସ୍ଥ୍ୟକେନ୍ଦ୍ର କୁ ସ୍ଥାନାନ୍ତର କରାଯାଇଛି ।