ଦିଲ୍ଲୀ ଅକ୍ତିଆର କଲେ କେଜ୍ରିୱାଲ୍ : ୨୪ ଘଣ୍ଟା ମଧ୍ୟରେ ‘ଆପ୍’ରେ ଯୋଗ ଦେଲେ ୧୦ ଲକ୍ଷରୁ ଉର୍ଦ୍ଧ୍ୱ ବ୍ୟକ୍ତି
କନକ ବ୍ୟୁରୋ : ଦିଲ୍ଲୀ ଅକ୍ତିଆର କଲେ କେଜ୍ରିୱାଲ୍ । ଦିଲ୍ଲୀ ବିଧାନସଭା ନିର୍ବାଚନରେ ବିପୁଳ ବିଜୟ ହାସଲ କରିବାର ୨୪ ଘଣ୍ଟା ମଧ୍ୟରେ ‘ଆପ୍’ରେ ୧୦ ଲକ୍ଷରୁ ଅଧିକ ବ୍ୟକ୍ତି ଯୋଗ ଦେଇଛନ୍ତି । ଗୁରୁବାର ଦିନ ଟୁଇଟ୍ କରି ଏ କଥା ‘ଆପ୍’ ତରଫରୁ ଜଣାଇ ଦିଆଯାଇଛି । ୭୦ ଆସନବିଶିଷ୍ଟ ଦିଲ୍ଲୀ ବିଧାନସଭା ନିର୍ବାଚନରେ ଅରବିନ୍ଦ କେଜ୍ରିଓ୍ଵାଲ୍ଙ୍କ ନେତୃତ୍ୱାଧୀନ ‘ଆମ୍ ଆଦ୍ମି ପାଟି’ ୬୨ଟି ଆସନରେ ବିଜୟ ଲାଭ କରିଛି । ଏହା ହେଉଛି ଦିଲ୍ଲୀରେ ‘ଆପ୍’ର କ୍ରମାଗତ ତୃତୀୟ ବିଜୟ ।
Kanak News is now on WhatsApp
Join and get latest news updates delivered to you via WhatsApp
‘ଆପ୍’ର ଐତିହାସିକ ବିଜୟ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କଂଗ୍ରେସ ସାଂସଦ ରାହୁଳ ଗାନ୍ଧୀ, ଏନ୍ସିପି ଅଧ୍ୟକ୍ଷ ଶରଦ ପାଓ୍ଵାର୍, ପଶ୍ଚିମବଙ୍ଗର ମମତା ବାନାର୍ଜୀ, ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଡିଏମ୍କେ ନେତା ଏମ୍ କେ ଷ୍ଟାଲିନ୍ କେଜ୍ରିଓ୍ଵାଲ୍ଙ୍କୁ ଅଭିନନ୍ଦନ ଜଣାଇଛନ୍ତି ।