ମୁରାଦାବାଦ ଜେଲରୁ ନୂଆ ଆଶାର କିରଣ। ତିଆରି ହେଲା ଦେଶର ପ୍ରଥମ ଶିଶୁ ଉଦ୍ୟାନ।
କନକ ବ୍ୟୁରୋ: ଶିଶୁଙ୍କ ପିଲାବେଳ ବଞ୍ଚିରହୁ । ଜେଲର ଚାରିକାନ୍ଥ ଭିତରେ ବି ଜୀବନ ହସଖୁସିରେ ବିତିଯାଉ । ମଜା,ମସ୍ତି କରିବାଠୁ ନେଇ ଖେଳିବା, ଶିଖିବା ବି ଜାରିରହୁ । ଏଭଳି ଲକ୍ଷ୍ୟ ନେଇ ଉତ୍ତରପ୍ରଦେଶର ମୁରାଦାବାଦରେ ଆରମ୍ଭ ହୋଇଛି ଶିଶୁ ଉଦ୍ୟାନ । ମୁରାଦାବାଦର ଜିଲ୍ଲା ଜେଲରେ ଏଭଳି ଉଦ୍ୟାନର ଶୁଭାରମ୍ଭ କରାଯାଇଛି । କାରାଗାର ଭିତରେ ଶିଶୁ ଉଦ୍ୟାନ କରିବାରେ ଏହା ପ୍ରଥମ ଜେଲ । ଦୋଳିରେ ଝୁଲୁଥିବା ଏହିପିଲାମାନେ ଜେଲରେ ସଜା କାଟୁଥିବା ବନ୍ଦୀଙ୍କ ଶିଶୁ । ଜେଲର ମାହୋଲ ଏବଂ ମାଆଙ୍କ ସଜାର ପ୍ରଭାବ ଯେଭଳି ପିଲାମାନଙ୍କ ଉପରେ ପଡିବନାହିଁ ଏହାକୁ ନଜରରେ ରଖି ଜେଲ କର୍ତ୍ତୃପକ୍ଷ ଏଭଳି ଉଦ୍ୟମ କରିଛନ୍ତି । ରାଜ୍ୟ ସରକାରଙ୍କ ମିଳିତସହଯୋଗରେ ଏଭଳି ଉଦ୍ୟମ କରାଯାଉଛିା
Kanak News is now on WhatsApp
Join and get latest news updates delivered to you via WhatsApp
ପିଲାଙ୍କ ସ୍ୱାସ୍ଥ୍ୟବସ୍ଥା ସହ ମାନସିକ ବିକାଶ ପାଇଁ ମଧ୍ୟ ବିଭିନ୍ନ ପ୍ରକାରର ଖେଳନା ଏଠାରେ ଉପଲବ୍ଧ କରାଯାଇଛି । ତେବେ କେବଳ ଏତିକିରେ ଏହି ଉଦ୍ୟମ ଶେଷ ହୋଇନାହିଁ । ଜେଲ କର୍ତ୍ତୃପକ୍ଷଙ୍କ କହିବା କଥା ଜେଲକୁ ଆହୁରି ବିକଶିତ କରାଯିବ । ଉତ୍ତରପ୍ରଦେଶ ସରକାରଙ୍କର ଏହି ଉଦ୍ୟମ ରାଜ୍ୟର ଅନ୍ୟ ଜେଲରେ ମଧ୍ୟ କରିବାକୁ ଯୋଜନା ପ୍ରସ୍ତୁତ କରାଯାଇଛି । ଅନ୍ୟ ଜେଲରେ ମଧ୍ୟ ଶୀଘ୍ର ଶିଶୁ ଉଦ୍ୟାନ କରିବା ନେଇ ପ୍ରକ୍ରିୟା ଜାରି ରହିଛି । ଜେଲର ଚାରିକାନ୍ଥ ଭିତରେ ଜୀବନ ବିତାଇବାକୁ ବାଧ୍ୟ ଏହି ଶିଶୁମାନଙ୍କ ପାଇଁ ଏହା ଗୋଟିଏ ସୁନ୍ଦର ପ୍ରୟାସ । ଜେଲର ଜୀବନ ଭିତରୁ ଆଶାର ଆଉ ଗୋଟିଏ ସୂର୍ଯ୍ୟ ଉଦୟ ହେବା ସହ ଦେଶର ଉନ୍ନତିରେ ଏମାନେ ସହାୟକ ହେବେ । କେବଳ ଏହାହିଁ ଏମାନଙ୍କ ପାଖରୁ ଆଶା ରହିଛି ।