ଲାଲକିଲ୍ଲାରୁ ବିରୋଧୀଙ୍କୁ ମୋଦିଙ୍କ ଟାର୍ଗେଟ, ଉଠାଇଲେ ବଂଶବାଦ ଓ ଦୁର୍ନୀତି ପ୍ରସଙ୍ଗ
କନକ ବ୍ୟୁରୋ: ଲାଲକିଲ୍ଲାରୁ ବିରୋଧୀଙ୍କୁ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ ମୋଦି । ଦୁର୍ନୀତିକୁ ନେଇ ବିରୋଧୀଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ । ଦୁର୍ନୀତିକୁ ସମର୍ଥନ କରୁଥିବା ଲୋକଙ୍କ ଉପରେ ସେ ପ୍ରଶ୍ନ ଉଠାଇବା ସହ ଏହା ବିରୋଧରେ ଲଢିବା ପାଇଁ ଦେଶବାସୀଙ୍କଠୁ ସମର୍ଥନ ଲଢିଛନ୍ତି । ଏଥିସହ ମୋଦି କହିଛନ୍ତି ଦୁର୍ନୀତିକୁ ମୂଳରୁ ଧ୍ୱଂସ କରିବା ଉଚିତ । ନୂଆ ଭାରତ ଗଠନ ପାଇଁ ଦୁର୍ନୀତି ବିରୋଧରେ ଲଢିବାକୁ ହେବ ।
Kanak News is now on WhatsApp
Join and get latest news updates delivered to you via WhatsApp
ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ଅଭିଭାଷଣ ଦେବା ସମୟରେ ବଂଶବାଦ ଉପରେ ଶକ୍ତ ଟିପ୍ପଣି ଦେଇଛନ୍ତି ପ୍ରଧାନମନ୍ତ୍ରୀ ମୋଦୀ । ଦେଶକୁ ଧିରେ ଧିରେ ବଂଶବାଦ ଖୋଳ କରୁଥିବା କହିଛନ୍ତି ମୋଦୀ । କେବଳ ସେତିକି ନୁହେଁ ଦୁର୍ନୀତି ଦେଶର ଉନ୍ନତି ପଛର ବଡ ବାଧକ ସାଜିଛି । ଏହା ଦେଶକୁ କ୍ରମଶ ଫମ୍ପା କରୁଥିବା ମୋଦି କହିଛନ୍ତି ।
ବଂଶବାଦ ପ୍ରସଙ୍ଗରେ ପରୋକ୍ଷରେ ଗାନ୍ଧୀ ପରିବାର ଉପରେ ବର୍ଷିଛନ୍ତି ମୋଦୀ । ଏହି ବଂଶବାଦର ରାଜନୀତି ଭାରତର ସମସ୍ତ ଅନୁଷ୍ଠାନରେ ପରିବାରବାଦକୁ ପ୍ରୋତ୍ସାହିତ କରୁଛି । ତେଣୁ ପରିବାର ବିରୋଧରେ ଲଢିବା ପାଇଁ ଦେଶବାସୀଙ୍କ ସମର୍ଥନ ଲୋଡିଛନ୍ତି ପ୍ରଧାନମନ୍ତ୍ରୀ ।
ବଂଶବାଦକୁ ନେଇ ଲାଲକିଲ୍ଲାରୁ କଂଗ୍ରେସ ସମେତ ବିରୋଧୀଙ୍କ ଯେଉଁ ଶାଣିତ ଅନ୍ଦାଜରେ ପ୍ରଧାନମନ୍ତ୍ରୀ ଟାର୍ଗେଟ କରିଥିଲେ ଏହାକୁ ନେଇ ପାଲଟା ଜବାବ ରଖିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ । ସୋନିଆ କହିଛନ୍ତି ରାଜନୀତି ପ୍ରଚାର ଓ ପ୍ରାପ୍ତି ପାଇଁ ଗାନ୍ଧୀ ପରିବାର, ସ୍ୱାଧୀନତା ସଂଗ୍ରାମୀଙ୍କ ପ୍ରତି ମିଥ୍ୟା ଅଭିଯୋଗ ବଳରେ ଅପମାନ କରାଯାଉଛି । ଯାହାକୁ ଦଳ କଦାପି ସହ୍ୟ କରାଯିବନି । ଗୋଟେ ପଟେ ମୋଦିଙ୍କ ଅଭିଯୋଗ ଅନ୍ୟପଟେ ସୋନିଆଙ୍କ ଜବାବ । ଏହାକୁ ନେଇ ପୁଣି ତାତିଛି ରାଜନୀତି