ଆମେରିକାରେ କିଶୋରଙ୍କୁ ଟିକା ଦେବାକୁ ଜରୁରୀକାଳିନ ଅନୁମତି ମାଗିଲା ମଡର୍ଣ୍ଣା : ୧୨ ରୁ ୧୭ ବର୍ଷ ବୟସ୍କଙ୍କ ଉପରେ ପରୀକ୍ଷଣର ଫଳାଫଳ ଆସିବା ପରେ ଆବେଦନ
କନକ ବ୍ୟୁରୋ : ଆମେରିକାରେ କିଶୋରମାନଙ୍କୁ ଟିକା ଦେବାକୁ ଜରୁରୀକାଳିନ ଅନୁମତି ମାଗିଲା ମଡର୍ଣ୍ଣା ଟିକା କମ୍ପାନୀ । ଆମେରିକାର ବାୟୋଟେକ୍ କମ୍ପାନୀ ମଡର୍ଣ୍ଣା ଆମେରିକାର ଫୁଡ ଆଣ୍ଡ ଡ୍ରଗ୍ସ ଆଡମିନିଷ୍ଟ୍ରେସନକୁ କିଶୋରମାନଙ୍କୁ ଜରୁରୀକାଳିନ ଭାବେ ଟିକା ଦେବାକୁ ଅନୁମତି ମାଗିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଟିକା କିଶୋରମାନଙ୍କ ଉପରେ କେମିତି କାମ କରୁଛି, ଏହାର ପାଶ୍ୱର୍ ପ୍ରତିକ୍ରିୟା କଣ ରହୁଛି, ଏହା ଜାଣିବା ପାଇଁ, ପୂର୍ବରୁ ୩୭୦୦, ୧୨ ରୁ ୧୭ ବର୍ଷ ବୟସ୍କଙ୍କୁ ଟିକାର ଦୁଇଟି ଡୋଜ୍ ଦିଆଯାଇଥିଲା । ମେ ମାସରେ ଏହାର ଫଳାଫଳ ଆସିଥିଲା ।ଫଳାଫଳରୁ ଜଣାପଡିଥିଲା ଟିକାର ଦୁଇଟି ଡୋଜ୍ କୋଭିଡ୍ -୧୯ ଭୂତାଣୁ ସଂକ୍ରମଣକୁ ପ୍ରତିରୋଧ କରିବାରେ ବେଶ୍ ପ୍ରଭାବି ଓ ସୁରକ୍ଷିତ । ଏନେଇ ସୂଚନା ଦେଇ କମ୍ପାନୀ ସିଇଓ ଷ୍ଟିଫାନ ବାନସେଲ, କହିଛନ୍ତି ଟିକାର ଦୁଇଟି ଡୋଜ୍ ନେବା ପରେ ଏହା ଶହେ ପ୍ରତିଶତ ପ୍ରଭାବି ହେଉଛି ।
ପୂର୍ବରୁ ଆମେରିକାରେ ୧୨ ରୁ ୧୫ବର୍ଷ ବୟସ୍କଙ୍କ ପାଇଁ ଫାଇଜର ଟିକା ବ୍ୟବହାର ଅନୁମତି ଦେଇସାରିଛି ଏଫଡିଏ । ତୃତୀୟ ଲହରରେ ୧୮ ବର୍ଷରୁ କମ୍ ବୟସ୍କ ଅଧିକ ସଂକ୍ରମିତ ହେବା ଆଶଙ୍କା କରାଯାଉଛି । ଏହାକୁ ଆଖି ଆଗରେ ରଖି ଆମେରିକାରେ ଏହି ବର୍ଗର ଟିକାକରଣକୁ ଏବେ ଗୁରୁତ୍ୱ ଦିଆଯାଉଛି ।