କଲେଜ ଗଭର୍ଣ୍ଣି ବଡିରୁ ବିଧାୟକ ବାଦ ନେଇ ପ୍ରଶ୍ନ ଉଠାଇଲେ ମନ୍ତ୍ରୀ । ସୁଶାନ୍ତ ସିଂ କହିଲେ, କମିଟିରେ ବିଧାୟକ ସଭାପତି ନରହି ରୁହନ୍ତୁ ସଦସ୍ୟ…ଭିର୍ତ୍ତିଭୂମିର ହେବ ବିକାଶ
ଉଚ୍ଚଶିକ୍ଷା ମନ୍ତ୍ରୀଙ୍କ ସହ କରିବେ ଆଲୋଚନା
କନକ ବ୍ୟୁରୋ: ନେତା, ବିଧାୟକଙ୍କୁ କଲେଜ ପରିଚାଳନା କମିଟିରୁ ବାଦ ଦେବା ପ୍ରସଙ୍ଗରେ ମନ୍ତ୍ରୀ ସୁଶାନ୍ତ ସିଂ ପ୍ରଶ୍ନ ଉଠାଇଛନ୍ତି । ସେ କହିଛନ୍ତି, ବିଧାୟକ ସଭାପତି ନ ରହି ସଦସ୍ୟ ଭାବେ ରୁହନ୍ତୁ । ବିଧାୟକ କମିଟିରେ ରହିବା କଥା । ଏହା ହେଲେ କଲେଜର ଭିତିଭୂମିର ବିକାଶ ହେବା ସହ ଅନେକ ସମସ୍୍ୟାର ସମାଧାନ ହୋଇପାରିବ । ଏ ବାବଦରେ ଉଚ୍ଚଶିକ୍ଷା ମନ୍ତ୍ରୀଙ୍କ ସହ ଆଲୋଚନା କରାଯିବ ବୋଲି କହିଛନ୍ତି ମନ୍ତ୍ରୀ ସୁଶାନ୍ତ ସିଂହ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଉଚ୍ଚଶିକ୍ଷାମନ୍ତ୍ରୀ ଅରୁଣ ସାହୁ କହିଥିଲେ, ବର୍ଷ ବର୍ଷ ଧରି କଲେଜ୍ ପରିଚାଳନା ସହ ସଂପୃକ୍ତ ରହୁଥିବା ନେତା ତଥା ସ୍ଥାନୀୟ ବିଧାୟକଙ୍କୁ ଏଣିକି ବାଦ୍ ଦିଆଯିବ । କଲେଜ ପରିଚାଳନା ପରିଷଦରେ ରହିବେନି ନିର୍ବାଚିତ ନେତା । ଶିକ୍ଷା କ୍ଷେତ୍ରରେ ପାରଦର୍ଶିତା ଲାଭ କରିଥିବା ଏବଂ ପରିଚାଳନା କ୍ଷେତ୍ରରେ ଦକ୍ଷତା ଥିବା ବ୍ୟକ୍ତିଙ୍କୁ କଲେଜ୍ ଗଭର୍ଣ୍ଣିଂ ବଡିର ସଭାପତି ଦାୟିତ୍ୱ ଦିଆଯିବ । ଶିକ୍ଷାବିତ, ଅଭିଭାବକ ଏବଂ ପୂର୍ବତନ ଛାତ୍ର ସଦସ୍ୟ ହେବେ । ଫଳରେ କଲେଜ ପରିଚାଳନା କ୍ଷେତ୍ରରେ ବ୍ୟାପକ ପରିବର୍ତନ ଆସିପାରିବ ଏବଂ ପରିଚାଳନା ପରିଷଦ ସୁଦୃଢ ହେବ ଆଉ ବିଭାଗୀୟ ମନ୍ତ୍ରୀଙ୍କ ଏଭଳି ବୟାନ ଉପରେ ବୟାନ ରଖିଛନ୍ତି ମନ୍ତ୍ରୀ ସୁଶାନ୍ତ ସିଂହ ।