ସକାଳୁ ଏକୁଟିଆ ମର୍ଣ୍ଣିଂୱାକ କରୁଥିଲେ ସାବଧାନ : ରାଜଧାନୀରେ ମାତିଛନ୍ତି ଲୁଟେରା; ଲୁଟି ନେଉଛନ୍ତି ଅଳଙ୍କାର
କନକ ବ୍ୟୁରୋ : ସକାଳୁ ଏକୁଟିଆ ମର୍ଣ୍ଣିଂୱାକ କରୁଥିଲେ ହୋଇଯାଆନ୍ତୁ ସାବଧାନ । ରାଜଧାନୀରେ ମାତିଛନ୍ତି ଲୁଟେରା । ଆଜି ସକାଳୁ ଜଣେ ମହିଳା ଏହିଭଳି ଲୁଟର ଶିକାର ହୋଇଛନ୍ତି । ଲକ୍ଷ୍ମୀସାଗର ଥାନା ସାମା ଆପାର୍ଟମେଂଟ ଗଳିରେ ମହିଳାଙ୍କଠାରୁ ସୁନା ଚେନ୍ ଲୁଟି ନେଇଛନ୍ତି ୩ ଲୁଟେରା ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଶାନ୍ତିନଗରରେ ରହୁଥିବା ମନୋରମା ସାହୁ ନାମକ ଏହି ମହିଳା ସାକଳ ପ୍ରାୟ ୭ଟା ବେଳେ ମର୍ଣ୍ଣିଂ ସାରି ଫେରୁଥିଲେ । ଏତିକିବେଳେ ସାମା ଆପାର୍ଟମେଂଟ ଗଳିରେ ଜଗିରହିଥିବା ୩ ଲୁଟେରାଙ୍କ ଭିତରୁ ଜଣେ ତାଙ୍କ ବେକରେ ଏକ କଟୁରୀ ଲଗାଇ ଚେନା ଦେବାକୁ କହିଥିଲା । ପରେ ସୁନା ଚେନଟିକୁ ଝାମ୍ପି ତାଙ୍କୁ ତଳେ ପକାଇ ଦେବାସହ ଚମ୍ପଟ ମାରିଥିଲା । ମନୋରମା ପାଟିକରି ଅନ୍ୟ ମାନଙ୍କୁ ଡାକିଲାବେଳକୁ ସେଠାରୁ ଚାଲିଯାଇଥିଲେ ୩ ଲୁଟେରା ।