ବିଜେପି ଛାଡି ଟିଏମସିରେ ଯୋଗ ଦେବା ପରେ ମୁକୁଲ ରାୟଙ୍କ ଠାରୁ ‘ଜେଡ ସିକ୍ୟୁରିଟି’ ହଟାଇନେଲା କେନ୍ଦ୍ର ଗୃହ ମନ୍ତ୍ରଣାଳୟ
କନକ ବ୍ୟୁରୋ : ତୃଣମୂଳ କଂଗ୍ରେସକୁ ଫେରିବା ପରେ ମୁକଲ ରାୟଙ୍କ ଠାରୁ ‘ଜେଡ ସିକ୍ୟୁରିଟି’ ହଟାଇ ନେଇଛି କେନ୍ଦ୍ର ଗୃହମନ୍ତ୍ରଣାଳୟ । ଏନେଇ ସିଆରପିଏଫର ଜଣେ ଅଧିକାରୀ ଜାତୀୟ ଗଣମାଧ୍ୟମକୁ ସୂଚନା ଦେଇଛନ୍ତି । ତାଙ୍କ ସୂଚନା ମୁତାବକ ଗୁରୁବାର ସକାଳେ ମୁକୁଲ ରାୟଙ୍କ ସୁରକ୍ଷାରେ ଥିବା କର୍ମଚାରୀଙ୍କୁ ହଟାଇ ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ପଶ୍ଚିମବଙ୍ଗ ବିଧାନସଭା ନିର୍ବାଚନ ବେଳେ ମୁକୁଲ ରାୟଙ୍କୁ ସୁରକ୍ଷା ବଢାଇ ‘ଜେଡ ସିକ୍ୟୁରିଟି’ କରି ଦିଆଯାଇଥିଲା । ଏହା ଫଳରେ ମୁକୁଲ ରାୟଙ୍କ ସୁରକ୍ଷା ପାଇଁ ୩ ଟି ସିଫ୍ଟରେ ୩୩ ଜଣ ସିଆରପିଏଫ୍ ଯବାନଙ୍କୁ ନିୟୋଜିତ କରାଯାଇଥିଲା । ଏଥିରେ ସଶସ୍ତ୍ର ଯବାନ ବି ସାମିଲ ଥିଲେ ।
ମୁକୁଲ ରାୟ ଟିଏମସିରେ ସାମିଲ ହେବା ପରେ କେନ୍ଦ୍ର ଗୃହମନ୍ତ୍ରଣାଳୟକୁ ଚିଠି ଲେଖି ‘ଜେଡ ସିକ୍ୟୁରିଟି’ ହଟାଇ ନେବାକୁ କହିଥିଲେ । ଏହା ବ୍ୟତୀତ ମୁକୁଲ ରାୟଙ୍କ ପୁଅ ଶୁଭ୍ରାସୁଂଙ୍କ ଠାରୁ ବି ଗତ ସପ୍ତାହରେ ସିଆଇଏସଏଫ୍ ସୁରକ୍ଷା ହଟାଇ ଦିଆଯାଇଥିଲା । ଏନେଇ କୋଲକତାରେ ଏକ ସାମ୍ବାଦିକ ସମ୍ମିଳନୀରେ ଶୁଭ୍ରାସୁଂ କହିଥିଲେ କି କେନ୍ଦ୍ର ସରକାର ସିଆଇଏସଏଫ୍ ସୁରକ୍ଷା ହଟାଇ ନେବା ପୂର୍ବରୁ ସେ ତାଙ୍କ ସୁରକ୍ଷାରେ ଥିବା ସିଆଇଏସଏଫ୍ ର କର୍ମଚାରୀଙ୍କୁ ମୁକ୍ତ କରିଦେଇଥିଲେ । ଅନ୍ୟପଟେ ସିଆଇଏସଏଫ୍ ମୁଖ୍ୟାଳୟ ପକ୍ଷରୁ କୁହାଯାଇଛି କି, ଏବେ ବି ଯବାନ ମାନେ ଶୁଭ୍ରାସୁଂଙ୍କ ସୁରକ୍ଷା ଦାୟୀତ୍ୱରେ ରହିଛନ୍ତି ।
ଗତ ମାସରେ ପଶ୍ଚିମବଙ୍ଗରେ ନିର୍ବାଚନୋତ୍ତର ହିଂସା ଏବଂ ସେମାନଙ୍କ ଜୀବନ ପ୍ରତି ସମ୍ଭାବ୍ୟ ବିପଦ୍ ଥିବାରୁ କେନ୍ଦ୍ର ସରକାର ‘ବିଜେପି’ର ନବନିର୍ବାଚିତ ୭୭ଜଣ ବିଧାୟକଙ୍କୁ କେନ୍ଦ୍ରୀୟ ନିରାପତ୍ତା ବଳ ସୁରକ୍ଷା ଯୋଗାଇ ଦେଇଥିଲେ।