ଚାଲୁଚାଲୁ ଚାଲିଗଲା ଯୁବକଙ୍କ ଜୀବନ । ସିସିଟିଭିରେ କଏଦ ଦୁଃଖଦ ମୁହୂର୍ତ୍ତ ।
କନକ ବ୍ୟୁରୋ: ମୃତ୍ୟୁର ସମୟ ନାହିଁ । କେତେବେଳେ ଆସିବ କେହି କହିପାରିବେନି । ଏହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ମିରଟର କିଦବଈ ନଗରରେ । ସାଙ୍ଗମାନଙ୍କ ସହ ଚାଲି ଚାଲିଯାଉଥିବାବେଳେ ହଠାତ୍ ତଳେ ପଡି ଚାଲିଗଲା ଯୁବକଙ୍କ ଜୀବନ । ସିସିଟିଭିରେ କଏଦ ହୋଇଥିବା ଏହି ଘଟଣାର ଫୁଟେଜ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଶୁକ୍ରବାର ରାତି ପାଖାପାଖି ୧୧ଟା ସମୟରେ ୪ଜଣ ସାଙ୍ଗ ଚାଲିଚାଲି ଏକ କଲୋନି ରାସ୍ତାରେ ଯାଉଥିଲେ । ସାଙ୍ଗମାନେ ପରସ୍ପର ସହ କଥାବାର୍ତ୍ତା ହୋଇ ଚାଲିଥିଲେ । ଏତିକିବେଳେ କଡରେ ଯାଉଥିବା ଯୁବକଙ୍କର ଗୋଟିଏ ଛିଙ୍କ ହୋଇଥିଲା । ଛିଙ୍କିବା ପରେ ସେ ତଲେ ପଡି ବେହୋସ୍ ହୋଇଯାଇଥିଲେ । ତାଙ୍କୁ ଅଚେତନ ଅବସ୍ଥାରେ ସାଙ୍ଗମାନେ ନିକଟସ୍ଥ ହସ୍ପିଟାଲକୁ ନେଇଥିଲେ ବି ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏବେ ପୁରା ଘଟଣାର ଭିଡିଓ ମୋସିଆଲ ମିଡିଆରେ ବିଜୁଳି ଗତିରେ ବ୍ୟାପୁଛି ।