ଆସନ୍ତା ୨୮ରେ ବନ୍ଦ ରହିବ ରାଜ୍ୟର ସମସ୍ତ ମେଡିସିନ ଷ୍ଟୋର । ୨୨ ହଜାର ଔଷଧ ଦୋକାନରେ ୨୪ ଘଣ୍ଟା ପାଇଁ ଝୁଲିବ ତାଲା, ଜାଣନ୍ତୁ କାହିିଁକି ?
କନକ ବ୍ୟୁରୋ : ଆସନ୍ତା ସେପ୍ଟେମ୍ବର ୨୮ରେ ପୂରା ଭାରତରେ ବନ୍ଦ ରହିବ ସମସ୍ତ ଔଷଧ ଦୋକାନ । ୨୪ ଘଣ୍ଟା ଧରି ବନ୍ଦ ରହିବ ଦେଶର ସମସ୍ତ ମେଡିସିନ ଷ୍ଟୋର । ଅଖିଳ ଭାରତୀୟ ଔଷଧ ବ୍ୟବସାୟୀ ମହାସଂଘ ଡାକିଥିବା ବ୍ୟବସାୟ ବନ୍ଦକୁ ଉକ୍ରଳ କେମିଷ୍ଟ ଏଣ୍ଡ ଡ୍ରଗିଷ୍ଟ ସମର୍ଥନ କରିଛି । ଯେଉଁଥିପାଇଁ ରାଜ୍ୟର ୨୨ହଜାର ଔଷଧ ଦୋକାନରେ ୨୮ରେ ତାଲା ଝୁଲିବ । ଇ-ଫାର୍ମାସୀ ତଥା ଅନଲାଇନରେ ଔଷଧ ବିତରଣକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଛି । ସରକାରଙ୍କ ନିଷ୍ପତ୍ତି ବିରୋଧରେ ମେଡ଼ିସିନ୍ ଷ୍ଟୋର ବନ୍ଦ ରଖିବା ପାଇଁ ନିର୍ଣ୍ଣୟ ହୋଇଛି । ସୂଚନା ଅନୁସାରେ କେନ୍ଦ୍ର ସରକାର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ତରଫରୁ ୱେବ୍ ଓ ପୋର୍ଟାଲ ମାଧ୍ୟମରେ ଔଷକ୍ଷ ବିତରଣ ଏବଂ ବିକ୍ରି ଆଦି ପାଇଁ ଅଧିସୂଚନା ଜାରି କରିଥିଲେ । ଏବେ ସମସ୍ତ ଔଷଧ ବିକ୍ରି ଅନଲାଇନ୍ କରିଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଅନଲାଇନ ବ୍ୟବସ୍ଥା ଦ୍ୱାରା ବଡ ବ୍ୟବସାୟୀମାନେ କେନ୍ଦ୍ର ସରକାରଙ୍କରଙ୍କ ଔଷଧ ବିତରଣ ଆଇନକୁ ଖୋଲାଖୋଲି ଉଲଂଘନ କରିଚାଲିଛନ୍ତି । ସୋସିଆଲ ମିଡିଆରେ ବିଜ୍ଞାପନ ସହ ପ୍ରଚାର ଚଲାଇ ଲୋକଙ୍କ ଜୀବନସହ ଖେଳ ଖେଳୁଛନ୍ତି । ଏହା ୧୦ ଲକ୍ଷରୁ ଅଧିକ ବ୍ୟବସାୟୀଙ୍କୁ ପ୍ରଭାବିତ କରିବ । ଆଗାମୀ ଦିନରେ ସରକାର ଏଥିପ୍ରତି ଦୃଷ୍ଟି ନଦେଲେ ପରିସ୍ଥିତି ଭୟାବହ ହେବ ବୋଲି ଚେତାବନୀ ଦେଇଛି ସଂଘ । ଅନ୍ୟପଟେ ରିଟେଲ ବ୍ୟବସାୟରେ ଏଫଡିଆଇ ବା ବିଦେଶୀ ପୁଞ୍ଜି ନିିବେଶ ବିରୋଧରେ ଆସନ୍ତା ୨୮ରେ ଭାରତୀୟ ବ୍ୟବସାୟ ମହାସଂଘ ବନ୍ଦ ଡାକରା ଦେଇଛି ଯାହାକୁ ଓଡିଶା ବ୍ୟବସାୟୀ ସଂଘ ସହମତି ଜଣାଇଛି ।