ମାଓନେତା କୈଳାସର ଅଡ଼ିଓ ଟେପ୍ ଭାଇରାଲ: ୨ ଜଣ ମାଓବାଦୀଙ୍କୁ ପୁଲିସ୍ ବନ୍ଧକ ରଖିଥିବା ନେଇ ଆଣିଲେ ଅଭିଯୋଗ
କନକ ବ୍ୟୁରୋ: ମାଓନେତା କୈଳାସର ଅଡ଼ିଓ ଟେପ ଭାଇରାଲ । ମୃତ ମାଓବାଦୀଙ୍କ ବିଷୟରେ କହି ଅଡ଼ିଓ ଟେପ ଜାରି କରାଯାଇଛି । ସ୍ୱାଭିମାନ ଅଂଚଳରେ ୨ ଦିନ ତଳେ ଯବାନ ଓ ମାଓବାଦୀଙ୍କ ମଧ୍ୟରେ ହୋଇଥିଲା ଗୁଳିବିନିମୟ । ଯବାନଙ୍କ ଗୁଳିରେ ଟଳି ପଡ଼ିଥିଲେ ୨ ମାଓବାଦୀ । ଏହା ପରେ ମାଓନେତା କୈଳାସ ପକ୍ଷରୁ ଅଡ଼ିଓ ଟେପ ଜାରି ହୋଇଛି । ଯେଉଁ ୨ ମାଓବାଦୀ ମାଲେସ ଏବଂ ଶାନ୍ତମା ଏହି ଏନକାଉଂଟରରେ ପ୍ରାଣ ହରାଇଥିଲେ ସେମାନଙ୍କୁ ପୋଲିସ ଧରି ନେଇ ନିର୍ମମ ଭାବେ ହତ୍ୟା କରିଥିବା ବେଳେ ଅନ୍ୟ ୨ ମାଓବାଦୀଙ୍କୁ ପୋଲିସ ବନ୍ଧକ କରିଥିବା ଅଭିଯୋଗ କରିଛନ୍ତି ମାଓନେତା କୈଳାସ ।
Kanak News is now on WhatsApp
Join and get latest news updates delivered to you via WhatsApp
ଏବଂ ସ୍ୱାଭିମାନ ଅଂଚଳରେ ପୋଲିସ ପକ୍ଷରୁ ଆଦିବାସୀଙ୍କୁ ନିର୍ଯ୍ୟାତନା ଦେବାସହ ମାଓବାଦୀଙ୍କ ନାମରେ ମିଥ୍ୟା ଏନକାଉଂଟର କରାଯାଉଥିବା ମାଓନେତା ପକ୍ଷରୁ ଅଭିଯୋଗ ହୋଇଛି । ଯେଉଁ ୨ ମାଓବାଦୀଙ୍କୁ ପୋଲିସ ଧରି ନେଇଛି ସେମାନଙ୍କୁ ତୁରନ୍ତ କୋର୍ଟରେ ହାଜର କରିବାକୁ ଅଡ଼ିଓ ଟେପରେ ଦାବି ହୋଇଛି ।