ମଣ୍ଡିରୁ ଧାନ ନଉଠିବା ପ୍ରସଙ୍ଗରେ ବିଧାନସଭାକୁ ଅଚଳ : ବିରୋଧୀ ଦଳ ମୁଖ୍ୟ ସଚେତକ କହିଲେ, ପ୍ରସଙ୍ଗ ଉଠାଇବା ପଛରେ ଅଛି ଶାସକ ଦଳ ସଭ୍ୟଙ୍କ ସମର୍ଥନ
ଲବିରେ ପ୍ରଶଂସା କରୁଛନ୍ତି ମନ୍ତ୍ରୀ; ଶାସକ ଦଳ ସଚେତକଙ୍କ ସଫେଇ, ଅପପ୍ରଚାର କରୁଛନ୍ତି ବିରୋଧୀ ନେତା
କନକ ବ୍ୟୁରୋ : ମଣ୍ଡିରେ ଧାନ ଉଠୁନାହିଁ । ଚାଷୀ ହଇରାଣ ହେଉଥିବା ଅଭିଯୋଗ କରି, ବିଧାନସଭାକୁ ଅଚଳ କରୁଛନ୍ତି ବିରୋଧୀ । ଗତକାଲି ଦ୍ୱିତୀୟ ପର୍ଯ୍ୟାୟ ବିଧାନସଭା ବଜେଟ୍ ଅଧିବଶେନ ଆରମ୍ଭ ହୋଇଥିବାବେଳେ, ଆଦୌ ଚାଲିପାରିଲା ନାହିଁ ଗୃହ କାର୍ଯ୍ୟ । ଉଭୟ ବିଜେପି ଓ କଂଗ୍ରେସ ସଦସ୍ୟ ଚାଷୀ ଓ ମଣ୍ଡି ପ୍ରସଙ୍ଗ ଉଠାଇ ଗୃହକୁ ଅଚଳ କରିଦେଲେ । ହେଲେ ଏହାରି ଭିତରେ ଜଣାପଡିଛି ଏକ ସଂଘାତିକ କଥା ।
Kanak News is now on WhatsApp
Join and get latest news updates delivered to you via WhatsApp
ବିରୋଧୀ ଦଳ ମୁଖ୍ୟ ସଚେତକ କହିଛନ୍ତି, ଚାଷୀ ପ୍ରସଙ୍ଗ ଉଠାଇବା ପଛରେ ରହିଛି ଶାସକ ଦଳ ସଭ୍ୟଙ୍କ ସମର୍ଥନ । ଗୃହରେ ଆଲୋଚନା ବେଳେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ କହିଥିଲେ, ବିଧାନସଭା ଲବିରେ ଆସି ଶାସକ ଦଳର ସଭ୍ୟମାନେ ତାଙ୍କୁ ଭେଟି ଚାଷୀ ପ୍ରସଙ୍ଗ ଉଠାଇବାକୁ କହୁଛନ୍ତି । କାରଣ ସାରା ରାଜ୍ୟରେ ମଣ୍ଡିରୁ ଧାନ ନଉଠିବା ପ୍ରସଙ୍ଗରେ ଅସନ୍ତୋଷ ରହିଛି । ହେଲେ ସରକାରରେ ଥାଇ ସରକାରଙ୍କ ବିରୋଧରେ ପ୍ରଶ୍ନ କରିପାରୁନଥିବାରୁ, ବିରୋଧୀଙ୍କୁ ଏହି ପ୍ରସଙ୍ଗ ଉଠାଇବାକୁ ସେମାନେ ପ୍ରବର୍ତାଉଛନ୍ତି ।
ଏପରିକି ଚାଷୀ ଓ ମଣ୍ଡି ପ୍ରସଙ୍ଗ ଉଠାଇବା ପରେ ମନ୍ତ୍ରାମାନେ ଲବିରେ ପ୍ରଶଂସା କରୁଥିବା କଥା ବିଧାନସଭା ବାହାରେ କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ । ଏହି ପ୍ରସଙ୍ଗରେ କିନ୍ତୁ ସଫେଇ ରଖି ଶାସକ ଦଳ ମୁଖ୍ୟ ସଚେତକ କହିଛନ୍ତି, ସରକାରଙ୍କ ବିରୋଧରେ ଅପପ୍ରାଚର ପାଇଁ ମିଛ କହୁଛନ୍ତି ବିରୋଧୀ ନେତା ।