ଚଳନ୍ତା ଟ୍ରେନର ଝରକାକୁ ଧରି ବିପଦପୂର୍ଣ୍ଣ ଷ୍ଟଣ୍ଟ କରୁଥିଲେ ଏହି ଯୁବକ ! ଘଟିଲା କିଛି ଏଭଳି ଘଟଣା, ଆଉ ତା ପରେ…
ଚଳନ୍ତା ଟ୍ରେନରେ ଷ୍ଟଣ୍ଟ ଦେଖାଇବା ନିଶା ଜଣେ ଯୁବକଙ୍କୁ ମହଙ୍ଗା ପଡ଼ିଛି । ସୋସିଆଲ ମିଡିଆରେ ନିକଟରେ ଏକ ଷ୍ଟଣ୍ଟର ଦୃଶ୍ୟ ଥିବା ଭିଡିଓ ଭାଇରାଲ ହୋଇଛି । ଏହି ଭିଡିଓର ଯୁବକଙ୍କ ଷ୍ଟଣ୍ଟ ଦେଖିଲେ ଆପଣଙ୍କ ଲୋମମୂଳ ଟାଙ୍କୁରି ଉଠିବ । ସୋସିଆଲ ମିଡିଆରେ ବିପଦପୂର୍ଣ୍ଣ ପରିସ୍ଥିତି ଜଣେ ଯୁବକ ଷ୍ଟଣ୍ଟ ଦେଖାଉଥିବାର ଭିଡିଓ ଭାଇରାଲ ହୋଇଛି । ଭିଡିଓରେ ଜଣେ ଯୁବକ ଚଳନ୍ତା ଟ୍ରେନ୍ ଝରକାରେ ଝୁଲି ଷ୍ଟଣ୍ଟ ଦେଖାଉଥିଲା ବେଳେ ଟ୍ରେନ୍ ଗେଟ ପାଖରେ ଛିଡା ହୋଇଥିବା ଆଉ ଜଣେ ଯୁବକ ଏହାର ଭିଡିଓ ବନାଉଥିବା ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
କମଳା ରଙ୍ଗର ପୋଷାକ ପିନ୍ଧିଥିବା ଯୁବକ ପିଠିରେ ଏକ ବ୍ୟାଗ ଝୁଲାଇ ଟ୍ରେନ୍ ଝରକାରେ ଥିବା ରଡରେ ଝୁଲି ଦୁଇ ଗୋଡକୁ ଉପରକୁ ଉଠାଇ ଷ୍ଟଣ୍ଟ ଦେଖାଉଥିଲେ । ଦେଢ଼ ମିନିଟର ଏହି ଭିଡିଓରେ ଯୁବକ ଏକ ମିନିଟ୍ ପର୍ୟ୍ୟନ୍ତ ଏହି ଷ୍ଟଣ୍ଟ ଦେଖାଇବା ପରେ ତାଙ୍କର ହାତ ହଠାତ୍ ରଡରୁ ଖସି ପଡ଼ିଥିଲା ଓ ସେ ତଳେ ପଡ଼ି ଯାଇଥିଲା । ଯୁବକ ଚଟାଣରେ ପଡ଼ିଯିବା ସତ୍ତ୍ୱେ ଭିଡିଓ ବନାଉଥିବା ଯୁବକ ଟ୍ରେନର ଚେନ୍ ଟାଣି ଅଟକାଇବା ବଦଳରେ ସେଭଳି ପୂର୍ବବତ୍ ଭିଡିଓ ବନାଇବା ଜାରି ରଖିଥିଲେ । ଏହି ଭିଡିଓଟି ୧୨ଜୁଲାଇ ନନ୍ଦନ ବେଙ୍ଗାଲୁରୁ ଏକ୍ସପ୍ରେସର ବୋଲି କୁହାଯାଉଛି । ତେବେ ଯୁବକଙ୍କ ପରିଚୟ କ’ଣ ଏବଂ ଅବସ୍ଥା ଏବେ କିପରି ଅଛି ତାହା ଏଯାବତ୍ ଜଣାପଡ଼ି ନାହିଁ ।