ଶତାବ୍ଦୀଙ୍କୁ ସନ୍ତୁଷ୍ଟ କରିବାକୁ ମମତା ନେଲେ ଏଭଳି ପଦକ୍ଷେପ । ବିଜେପିରେ ଯୋଗଦେବା ପୂର୍ବରୁ ଦିଦି ଖେଳିଲେ କ୍ଷମତା ଚାଲ୍

876

କନକ ବ୍ୟୁରୋ : ବିଧାନସଭା ନିର୍ବାଚନ ପୂର୍ବରୁ ପଶ୍ଚିମବଙ୍ଗ ରାଜନୀତି ସରଗରମ ହେବାରେ ଲାଗିଛି । କ୍ଷମତାରେ ଥିବା ତୃଣମୂଳ କଂଗ୍ରେସର ବିଧାୟକ ଓ ସାଂସଦ ମାନେ ମମତାଙ୍କୁ ଚକମା ଦେଇ ବିଜେପିରେ ସାମିଲ ହେଉଥିବା ବେଳେ ଏବେ ସେମାନଙ୍କୁ ଅଟକାଇବାକୁ ମମତା ଏକ ନୂଆ ରଣନୀତି ପ୍ରସ୍ତୁତ କରିଛନ୍ତି । ଶୁଭେନ୍ଦୁ ଅଧିକାରୀଙ୍କ ସହ କିଛି ବିଧାୟକ ଓ ସାଂସଦ ବିଜେପିରେ ଯୋଗ ଦେଇସାରିଛନ୍ତି । ସେମାନଙ୍କୁ ଅଟକାଇବାକୁ ମମତା ପ୍ରସ୍ତୁତ ନଥିବା ବେଳେ ଅନ୍ୟକିଛି ବିଧାୟକ ଓ ସାଂସଦ ବିଜେପି ସଂପର୍କରେ ଥିବା ନଜରରେ ରଖି ମମତା ଏହି ଗେମ୍ ପ୍ଲାନ ଆରମ୍ଭ କରିଛନ୍ତି । ଦୁଇଦିନ ତଳେ ବୀରଭୂମରୁ ଟିଏମସି ଟିକେଟରେ ସାଂସଦ ହୋଇଥିବା ଶତାବ୍ଦୀ ରାୟ ଟିଏମସି ଛାଡି ବିଜେପିରେ ଯୋଗ ଦେବା କଥା ସାମ୍ନାକୁ ଆସିବା ପରେ ମମତା ବାନାର୍ଜୀ ଶତାବ୍ଦୀଙ୍କୁ ସନ୍ତୁଷ୍ଟ କରିବାକୁ ଦଳର ରାଜ୍ୟ-ଉପାଧ୍ୟକ୍ଷ ପଦରେ ଅଧିଷ୍ଟିତ କରିଛନ୍ତି   ।

ବଙ୍ଗଳା ଚଳଚିତ୍ର ଅଭିନେତ୍ରୀ ତଥା ସାଂସଦ ଶତାବ୍ଦୀ ରାୟ ସୋସିଆଲ ମିଡିଆ ମାଧ୍ୟମରେ ତାଙ୍କ ନିର୍ବାଚନୀକ୍ଷେତ୍ରର ଭୋଟର ମାନଙ୍କୁ ସମ୍ବୋଧିତ କରିଥିଲେ । ସେ କହିଥିଲେ କି ସେ ତାଙ୍କ ନିର୍ବାଚନମଣ୍ଡଳୀର ଜନତାଙ୍କୁ ଭେଟିବାକୁ ଚାହୁଁଛନ୍ତି । ହେଲେ ତାଙ୍କୁ କେହି ନିମନ୍ତ୍ରଣ କରୁ ନାହାନ୍ତି । ଏହାକୁ ନେଇ ସେ ଯନ୍ତ୍ରଣା ଅନୁଭବ କରୁଥିବା କଥା ସୋସିଆଲ ମିଡିଆରେ ଲେଖିଥିଲେ । ଏହା ସହ ସେ ଆହୁରି ଲେଖିଥିଲେ କି ‘ମୋତେ ଲାଗୁଛି କିଛି ଲୋକ  ଚାହୁଁଛନ୍ତି କି ମୁଁ ଭୋଟର ମାନଙ୍କ ସହ ନ ମିଶେ’ ।

 ତାଙ୍କର ଏଭଳି ପୋଷ୍ଟକୁ ନେଇ ଗଣମାଧ୍ୟମରେ ଅନେକ ଗୁଜବ ସୃଷ୍ଟି ହୋଇଥିଲା । ହେଲେ ସେ ଶୁକ୍ରବାର ଦିନ କହିଥିଲେ କି ଏସବୁ ନେଇ ତାଙ୍କର ଅଭିଶେକ ବାନାର୍ଜୀଙ୍କ ସହ କଥା ହୋଇଛି । ସେ ଶତାବ୍ଦୀ ରାୟ ଉଠାଇଥିବା ସମସ୍ୟା ଉପରେ ଆଲୋଚନା କରିଛନ୍ତି ବୋଲି ଶତାବ୍ଦୀ କହିବା ସହିତ ସେ ଦଳ ଛାଡୁ ନାହାନ୍ତି ବୋଲି ସ୍ପଷ୍ଟ କରିଥିଲେ । ଏହାପରେ ଆଜି (ରବିବାର) ସୂଚନା ମୁତାବକ ମମତା ବାନାର୍ଜୀ ତାଙ୍କୁ ଦଳର ରାଜ୍ୟ ଉପାଧ୍ୟକ୍ଷ ଭାର ଅର୍ପଣ କରିଛନ୍ତି ।

Comments are closed.