ନନ୍ଦୀଗ୍ରାମ ମହାସଂଗ୍ରାମ : ପଶ୍ଚିମବଙ୍ଗ ପାଇଁ ଷ୍ଟାର ପ୍ରଚାରକ ସାଂସଦ ଜୁଏଲ ଓରାମ; କହିଲେ, ହାରିବା ଭୟରେ ମମତା କରୁଛନ୍ତି ଡ୍ରାମା
କନକ ବ୍ୟୁରୋ : ଆଜି ନନ୍ଦିଗ୍ରାମରୁ ନାମାଙ୍କନ ପତ୍ର ଦାଖଲ କରିବେ ଶୁଭେନ୍ଦୁ ଅଧିକାରୀ । ପଶ୍ଚିମବଙ୍ଗ ବିଜେପିର ଏହି ବଡ ଚେହେରା ନନ୍ଦିଗ୍ରାମରେ ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ବିରୋଧରେ ଲଢେଇ ପାଇଁ ଜୋରଦାର ପ୍ରସ୍ତୁତି ଆରମ୍ଭ କରିଦେଇଛନ୍ତି । ଏକ ବିଶାଳ ରାଲିରେ ଆଜି ନାମାଙ୍କନ ପତ୍ର ଦାଖଲ କରିବା ସହ ଏକପ୍ରକାର ଶକ୍ତି ପ୍ରଦର୍ଶନ କରିବେ ଶୁଭେନ୍ଦୁ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଆଜି ନାମାଙ୍କନ ଦାଖଲ ବେଳେ ଶୁଭେନ୍ଦୁଙ୍କ ସହ ରହିବେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ସହ ଧର୍ମେନ୍ଦ୍ର ପ୍ରଧାନ ଓ ନୂଆକରି ଗେରୁଆ ଶିବିରରେ ସାମିଲ ହୋଇଥିବା ବଲିଉଡ ଅଭିନେତା ମିଥୁନ ଚକ୍ରବର୍ତୀ । ଶୁଭେନ୍ଦୁଙ୍କ ନାମାଙ୍କନ ପାଇଁ ରାଲିରେ ଦୁଇ ଦୁଇଜଣ କେନ୍ଦ୍ରମନ୍ତ୍ରୀ ସାମିଲ ହେବା, ନନ୍ଦିଗ୍ରାମ ଆସନକୁ ନେଇ ବିଜେପିର ଗଭୀରତାକୁ ହିଁ ଦର୍ଶାଉଛି । ଯଦିଓ ନନ୍ଦିଗ୍ରାମ ଶୁଭେନ୍ଦୁଙ୍କ ଗଡ ।
ତଥାପି ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜ ପାରମ୍ପରିକ ଆସନ ଛାଡି ନନ୍ଦିଗ୍ରାମ ଆସିବା ବିଜେପି ଆଗରେ ବଡ ଆହ୍ୱାନ ସୃଷ୍ଟି କରିଛି । କୁହାଯାଉଛି ନନ୍ଦିଗ୍ରାମ ଲଢେଇ ଶୁଭେନ୍ଦୁ ଅଧିକାରୀଙ୍କ ଆଗାମୀ ରାଜନୈତିକ ଭବିଷ୍ୟତ ସ୍ଥିର କରିବ । କାରଣ ଏହି ଆସନରୁ ସେ ମମତାଙ୍କୁ ୫୦ ହଜାରରୁ ଅଧିକ ଭୋଟ୍ ବ୍ୟବଧାନରେ ହରାଇବେ ବୋଲି ଘୋଷଣା କରିଛନ୍ତି । ନିଜକୁ ନନ୍ଦିଗ୍ରାମର ଭୂମିପୁତ୍ର ବୋଲି କହିବା ସହ ମମତାଙ୍କୁ ବାହାରୀ ନେତା କହି ରାଜନୈତିକ ଆକ୍ରମଣ କରିଆସୁଛନ୍ତି ଶୁଭେନ୍ଦୁ ଅଧିକାରୀ ।
ପଶ୍ଚିମବଙ୍ଗ ବିଧାନସଭା ନିର୍ବାଚନକୁ ନେଇ ପ୍ରତିକ୍ରିୟା ଦେଇଛନ୍ତି ବିଜେପିର ଷ୍ଟାର ପ୍ରଚାରକ ଜୁଏଲ ଓରାମ । ମମତା ବିରୋଧୀ ଲଢେଇ ପାଇଁ କଣ ରହିଛି ବିଜେପିର ରଣନୀତି । ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ଉପରେ ଆକ୍ରମଣ ଘଟଣାକୁ ନେଇ ସେ ପ୍ରତିକ୍ରିୟା ଦେଇଛନ୍ତି ।