ମାଲକାନଗିରିରେ ଜଙ୍ଗଲ ବାବୁଙ୍କ କଳାକାରନାମା : ବିବାହର ପ୍ରତିଶ୍ରୁତି ଦେଇ ଦୁଷ୍କର୍ମ ଅଭିଯୋଗ ପରେ ଗିରଫ ହେଲେ ଫରେଷ୍ଟର ମୁରଲିଧର ଅନୁଗୁଳିଆ
କନକ ବ୍ୟୁରୋ : ଲଭ୍, ସେକ୍ସ ଆଉ ଧୋକା । ବିବାହର ପ୍ରତିଶ୍ରୁତି ଦେଇ ଦୁଷ୍କର୍ମ ଅଭିଯୋଗରେ ବନ୍ଧାହେଲେ ଫରେଷ୍ଟର । ଏଭଳି ସଙ୍ଗିନ୍ ଅଭିଯୋଗ ଆସିଛି ମାଲକାନଗିରି ଫରେଷ୍ଟର ମୁରଲିଧର ଅନୁଗୁଳିଆଙ୍କ ନାଁରେ । ତେବେ ଫରେଷ୍ଟର ଜଣଙ୍କ ଜଣେ ଯୁବତୀଙ୍କ ସହ ପ୍ରେମ ସମ୍ପର୍କ ରଖି ବିବାହର ପ୍ରତିଶ୍ରୁତି ଦେଇ ତାଙ୍କୁ ବାରମ୍ବାର ଦୁଷ୍କର୍ମ କରିଥିବା ଅଭଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମାଲକାନଗିରି ଆଇଆଇସି ରାମ ପ୍ରସାଦ ନାଗଙ୍କ କହିବା ଅନୁଯାୟୀ, ଓର୍କେଲ ଥାନା ଅଂଚଳରେ ଜଣେ ଜନୈକା ଯୁବତୀଙ୍କ ସହ ବନପାଳ ମୁରଲୀଙ୍କର ପରିଚୟ ହୋଇଥିଲା। ଏପ୍ରିଲ ମାସ ୫ ତାରିଖ ଦିନ ଯୁବତୀ ଜଣକ ବନପାଳ ମୁରଲୀଙ୍କ ବାସଭବନକୁ ବୁଲିବାକୁ ଯାଇଥିଲେ । ବନପାଳ ସେହି ଦିନ ରାତିରେ ଯୁବତୀଙ୍କ ଅନିଛା ସତ୍ତ୍ୱେ ତାକୁ ଦୁଷ୍କର୍ମ କରିଥିଲେ। ପରେ ପୀଡିତାଙ୍କୁ ବିବାହର ପ୍ରଲୋଭନ ଦେଖାଇ ଶାରୀରିକ ସଂପର୍କ ସ୍ଥାପନ କରିଥିଲେ । ଏହି ବିଷୟରେ କାହାକୁ ନଜଣାଇବା ପାଇଁ ବନପାଳ ଯୁବତୀଙ୍କୁ କହିଥିଲେ । ପରେ ଏହି ଘଟଣା ପଦାକୁ ଆସିବା ସହ ଦୁଇ ପରିବାର ମଧ୍ୟ ଏ ସଂପର୍କ ବିଷୟରେ ଜାଣିବାକୁ ପାଇଲେ। ଉଭୟ ପରିବାର ମିଶି ଦୁହିଁଙ୍କୁ ବିବାହ କରାଇବା ପାଇଁ ମନସ୍ଥ କରିଥିଲେ । ପରେ ପୁଣି ଗତ ଏପ୍ରିଲ ୬ ତାରିଖରୁ ୧୨ ତାରିଖ ପର୍ଯ୍ୟନ୍ତ ବନପାଳ ମୁରଲୀ ଯୁବତୀଙ୍କ ସହ ଶାରିରୀକ ସଂପର୍କ ରଖିଆସୁଥିଲେ । ଏହା ପରେ ବନପାଳ ଯୁବତୀଙ୍କୁ ବୁଝାସୁଝା କରି ତାଂକ ଘରକୁ ପଠାଇ ଦେଇଥିଲେ ।
କିଛି ଦିନ ଯିବା ପରେ ଯୁବତୀଙ୍କ ପରିବାର ଲୋକେ ବିବାହ ପାଇଁ କହିବା ଆରମ୍ଭ କରିବାରୁ ଯୁବତୀ ବନପାଳ ମୁରଲୀକୁ ବିବାହ ପାଇଁ ବାଧ୍ୟ କରିଥିଲା । ତେବେ ମୁରଲୀ ବିବାହ କରିବାକୁ ସଂପୂର୍ଣ୍ଣ ମନା କରିଦେଇଥିଲା । ଏପରିକି ଯୁବତୀଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିଥିବା ମଧ୍ୟ ଅଭିଯୋଗ କରାଯାଇଛି । ବିବାହ କରିବାକୁ ମନା କରିବା ପରେ ଯୁବତୀ ଜଣକ ଏସଡିଜେଏମ କୋର୍ଟରେ ଏତଲା ଦାୟର କରିଥିଲେ । ଏସଡିଜେଏମଙ୍କ ନିର୍ଦେଶକ୍ରମେ ମାଲକାନଗିରି ପୁଲିସ କେଶ ନମ୍ବର ୨୪୪ରେ ରୁଜୁ କରି ବନପାଳ ମୁରଲୀଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି । ତେବେ ଦୁଇ ମାସ ପୂର୍ବେ ଫରେଷ୍ଟର ମୁରଲିଧର ଅନୁଗୁଳିଆ ଲୁଚାଛପାରେ ଅନ୍ୟ ଜଣେ ଯୁବତୀଙ୍କୁ କୋରାପୁଟ ଠାରେ କୋର୍ଟ ମ୍ୟାରେଜ କରିଛନ୍ତି ।