ମହାରାଷ୍ଟ୍ରରେ ଖୁବଶୀଘ୍ର ବିଜେପିର ମେଣ୍ଟ ସରକାର ! ଫଡନଭିସଙ୍କ ଘରେ ବିଜେପି ନେତାଙ୍କ ବୈଠକ,ମନ୍ତ୍ରୀପଦକୁ ନେଇ ସିନ୍ଦେଙ୍କ ଟ୍ୱିଟ୍
କନକ ବ୍ୟୁରୋ : ମହାରାଷ୍ଟ୍ର କ୍ଷମତା ସଂକଟ ମଧ୍ୟରେ ବୁଧବାରଦିନ ରାତିରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଇସ୍ତଫା ଦେଇଛନ୍ତି । ରାଜ୍ୟପାଳ ଭଗତସିଂ କୋଶିୱାରୀ ମଙ୍ଗଳବାର ଦିନ ମହାବିକାଶ ଅଘାଡି ସରକାରକୁ ବହୁମତ ପ୍ରମାଣ ଦେବାକୁ ନିର୍ଦ୍ଦେଶ ଦେବା ପରେ ଉଦ୍ଧବ ଠାକରେ ଇସ୍ତଫା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଦ୍ଧବଙ୍କ ଇସ୍ତଫା ପରେ ଏବେ ସ୍ପଷ୍ଟ ହେବାକୁ ଯାଉଛି କି ମହାରାଷ୍ଟ୍ରରେ ସିନ୍ଦେ ସମର୍ଥକଙ୍କ ସହ ମେଣ୍ଟ କରି ବିଜେପି ସରକାର ଗଠନ କରିବାକୁ ଯାଉଛି । ଏହିକ୍ରମରେ ଆଜି ଭାବି ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସଙ୍କ ଘରେ ରାଜ୍ୟ ବିଜେପିର ବରିଷ୍ଠ ନେତାମାନଙ୍କର ଏକ ବୈଠକ ବସିଛି । ଏହି ବୈଠକରେ ମହାରାଷ୍ଟ୍ର ବିଜେପି ପ୍ରଭାରୀ ସିଟି ରବି, ପାର୍ଟି ନେତା ଚନ୍ଦ୍ରକାନ୍ତ ପାଟିଲ, ଗିରୀଶ ମହାଜନ, ପ୍ରବୀଣ ଦରେକର ଉପସ୍ଥିତ ଅଛନ୍ତି ।
ସେପଟେ ଗୋଆରେ ନିଜ ସମର୍ଥିତ ବିଧାୟକଙ୍କ ସହ ଥିବା ଶିବସେନାର ବିଦ୍ରୋହୀ ନେତା ଏକନାଥ ସିନ୍ଦେ ବିଜେପି ସହ ମେଣ୍ଟରେ ସରକାର ଓ ମନ୍ତ୍ରୀପଦ ଭାଗବଣ୍ଟାକୁ ନେଇ ଏକ ଟ୍ୱିଟ କରିଛନ୍ତି । ସେ କହିଛନ୍ତି କି, ସେ ଏନେଇ ଏପର୍ଯ୍ୟନ୍ତ ବିଜେପି ସହ କୌଣସି ଆଲୋଚନା ହୋଇ ନଥିବା କଥା ସେ ସ୍ପଷ୍ଟ କରିଛନ୍ତି ।
ସେପଟେ ସରକାର ଭାଙ୍ଗିବା ପରେ ଏବେ ଶିବସେନା ନେତାଙ୍କୁ ଯାତୀୟ ଯାଂଚ ଏଜେନ୍ସିର ଭୟ ଘାରିଛି । ମହାରାଷ୍ଟ୍ର କ୍ଷମତା ସଂକଟ ଭିତରେ ଶିବସେନା ପାଇଁ ଢାଲ ସାଜିଥିବା ରାଜ୍ୟସଭା ସାଂସଦ ସଞ୍ଜୟ ରାୱତ ଆସନ୍ତା କାଲି ଇଡିରେ ହାଜର ହେବେ । ଏକ ଜମି ଘୋଟାଲାରେ ସଂଜୟଙ୍କ ସଂପୃକ୍ତି ଥିବା ସନ୍ଦେହ କରି ଇଡି ସଂଜୟଙ୍କୁ ୨ ଥର ନୋଟିସ ଜାରି କରିସାରିଛି ।