ଏଣିକି HELLO ନୁହେଁ ‘ବନ୍ଦେ ମାତରମ୍’ କହିବାକୁ ପଡିବ । ସରକାରୀ କର୍ମଚାରୀଙ୍କ ପାଇଁ ନିର୍ଦ୍ଦେଶ ଜାରି କଲେ ମହାରାଷ୍ଟ୍ର ସରକାର ।
କନକ ବ୍ୟୁରୋ: ଏଣିକି ‘ହେଲୋ’ ନୁହେଁ ‘ବନ୍ଦେ ମାତରମ୍’ କହିବାକୁ ପଡିବ । ସରକାରୀ କିମ୍ବା ସରକାରୀ ଅନୁଦାନପ୍ରାପ୍ତ ସଂଙ୍ଗଠନ କର୍ମଚାରୀଙ୍କ ପାଇଁ ଏପରି ନିର୍ଦ୍ଦେଶନାମା ଘୋଷଣା କରିଛନ୍ତି ମହାରାଷ୍ଟ୍ର ସରକାର ।
ମହାରାଷ୍ଟ୍ର ସରକାରୀ ଅଧିକାରୀ ଓ କର୍ମଚାରୀଙ୍କ ପାଇଁ ଏକନାଥ ସିନେ୍ଧ ସରକାର ଏପରି ସରକାରୀ ସଙ୍କଳ୍ପ ଜାରି କରିଛନ୍ତି । ଶନିବାର ଜାରି ହୋଇଥିବା ଏହି ସଙ୍କଳ୍ପ ଅନୁସାରେ, ଏଣିକି ସରକାରୀ କର୍ମଚାରୀଙ୍କ ଫୋନ୍ କଲ ଆସିଲେ କିମ୍ବା କେହି ତାଙ୍କୁ ଅଫିସକୁ ଭେଟିବାକୁ ଆସିଲେ ତାଙ୍କୁ ହେଲୋ ନକହି ବରଂ ବନ୍ଦେ ମାତରମ୍ କହି ଅଭିବାଦନ ଜଣାଇବେ ସରକାରୀ ଅଧିକାରୀ ଓ କର୍ମଚାରୀ । ଏହି ନିୟମ ଗାନ୍ଧୀ ଜୟନ୍ତୀ ଠାରୁ ଲାଗୁ ହେବ ।
Kanak News is now on WhatsApp
Join and get latest news updates delivered to you via WhatsApp
ଏହି ସଙ୍କଳ୍ପ ଜାରି ହେବା ପରେ ଏହାକୁ ବିରୋଧ କରିଥିଲେ ମୁସଲମାନ ସଙ୍ଗଠନ AIMIMର ନେତା ୱାରିଶ୍ ପଠାନ୍ । ସରକାର ବେରୋଜଗାରୀ ଓ ମହଙ୍ଗା ସମସ୍ୟା ଉପରୁ ଦୃଷ୍ଟି ଏଡାଇବାକୁ ଏପରି ସବୁ ନାଟକବାଜି କରୁଛନ୍ତି । ହାଲୋ କହି ବନ୍ଦେ ମାତରମ୍ ନ କହିଲେ ସରକାର କ’ଣ କର୍ମଚାରୀଙ୍କୁ ଫାଶି ଦେବେକି ? ବୋଲି କହି ସିନେ୍ଧ ସରକାରଙ୍କୁ ଟାର୍ଗେଟ କରିଥିଲେ ୱାରିଶ ପଠାନ୍ ।
ହେଲେ ଏହାକୁ ବାଧ୍ୟତାମୂଳକ କରିବାକୁ ଘୋଷଣା କରିଛନ୍ତି ମହାରାଷ୍ଟ୍ର ସରକାର । ‘ହେଲୋ’ ଏକ ବିଦେଶୀ ଶବ୍ଦ । ଏଥିରେ ଜାତୀୟତା ଓ ପ୍ରକୃତ ଶ୍ରଦ୍ଧା ସମ୍ମାନ ଅନୁଭବ ହୁଏ ନାହିଁ । କିନ୍ତୁ ବନ୍ଦେ ମାତରମ୍ କହିବା ଦ୍ୱାରା ଲୋକଙ୍କ ମନରେ ଜାତୀୟତା ଭାବ ସହ ଏକତ୍ୱ ଭାବ ସୃଷ୍ଟି ହେବ । ତେଣୁ ଏହାକୁ ପ୍ରଥମେ ସରକାରୀ କାର୍ଯ୍ୟାଳୟରେ କାର୍ଯ୍ୟକାରୀ କରାଯିବା ପରେ ଜନସାଧାରଣଙ୍କୁ ଏ ବାବଦରେ ସଚେତନ କରାଯିବା ଉଚିତ ବୋଲି ମହାରାଷ୍ଟ୍ରର ସଂସ୍କୃତି ମନ୍ତ୍ରୀ ସୁଧୀର ମୁଙ୍ଗତିୱାର କହିଛନ୍ତି ।