ମହାନଦୀ ସୁରକ୍ଷା ପଦଯାତ୍ରା ଆଜିଠାରୁ

27

କନକ ବ୍ୟୁରୋ: ଆଜିଠାରୁ ମହାନଦୀ ବଞ୍ଚାଅ ଆନ୍ଦୋଳନ ପକ୍ଷରୁ ମହାନଦୀ ସୁରକ୍ଷା ପଦଯାତ୍ରା ଆରମ୍ଭ ହେବ । ୩ଦିନ ବ୍ୟାପୀ ହେବାକୁ ଥିବା ଏହି ପଦଯାତ୍ରା ବୈଦେଶ୍ୱରର ବୈଦନାଥ ପୀଠାରୁ ବାହାରି କଣ୍ଟିଲୋ ଦେଇ ସିଧାମୂଳାରେ ପହଞ୍ଚିବ । ୩୫ କି.ମି ବ୍ୟାପୀ ହେବାକୁ ଥିବା ଏହି ପଦଯାତ୍ରାରେ ବିଭିନ୍ନ ରାଜନୈତିକ ଦଳର ନେତୃବୃନ୍ଦ ଓ ବ୍ୟକ୍ତିବିଶେଷ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ସଂଗଠନ ପକ୍ଷରୁ କୁହାଯାଇଛି ।

ଗତକାଲି ଉତ୍କଳ ସାମ୍ବାଦିକ ସଂଘ ପରିସରରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୁଦର୍ଶନ ଦାସ କହିଲେ, ଛତିଶଗଡ଼ରେ ମହାନଦୀ ଉପରେ ନିର୍ମିତ ପ୍ରକଳ୍ପକୁ ବନ୍ଦ କରିବା, ପ୍ରଦୂଷଣ ମୁକ୍ତ, ମହାନଦୀର ଅବବାହିକାରେ ଚେକ୍ ଡ୍ୟାମ କରି ଜଳ ସଂରକ୍ଷଣ, ମହାନଦୀର ନିରନ୍ତର ଓ ନିର୍ମଳ ଜଳ ପ୍ରବାହ ଓ ମହାନଦୀର କୂଳ ଓ ତାହାର ଅବବାହିକାରେ ବ୍ୟାପକ ଜଙ୍ଗଲ ସୃଷ୍ଟି କରିବା ଦାବିରେ ଏହି ପଦଯାତ୍ରା ଅନୁଷ୍ଠିତ ହେଉଛି । ପ୍ରତ୍ୟେକ ଦିନ ଏଥିରେ ୪/୫ଶହ ଲୋକ ସାମିଲ ହେବାର କାର୍ଯ୍ୟକ୍ରମ ରହିଛି । ପୂର୍ବରୁ ସଂଗଠନ ପକ୍ଷରୁ ଦିଲ୍ଲୀରୁ ପଲ୍ଲୀ ଡାକରା ଦିଆଯାଇଥିଲା । ଜଳ ଆନ୍ଦୋଳନ ଗଢ଼ି ତୋଳିବାରେ ଏହା ସହାୟକ ହେବ ବୋଲି ଶ୍ରୀ ଦାସ କହିଛନ୍ତି ।