କନକ ବ୍ୟୁରୋ : ଆୟକର ଫାଙ୍କିବା ନେଇ ସୋନୁ ସୁଦଙ୍କ ନାଁରେ ଅଭିଯୋଗ ଆସିବା ପରେ ଏହାକୁ ନେଇ ରାଜନୀତି ଆରମ୍ଭ ହୋଇଛି । କିଛି ଦଳ ସୋନୁଙ୍କୁ ସମର୍ଥନ କରୁଥିବା ବେଳେ କିଛି ରାଜନୈତିକ ଦଳ ସୋନୁଙ୍କୁ ବିରୋଧ କରିବାକୁ ଆଗେଇ ଆସିଲେଣି । ଆମ ଆଦମୀ ପାର୍ଟି ସୋନୁଙ୍କୁ ସମର୍ଥନ କରୁଥିବା ବେଳେ ଉତ୍ତରପ୍ରଦେଶର ପାର୍ଟି ମହାନ ଦଳ ସୋନୁ ସୁଦଙ୍କୁ ଟାର୍ଗେଟ କରିବାକୁ ପଛାଇ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହାନ ଦଳର ରାଷ୍ଟ୍ରୀୟ ସଭାପତି କେଶବ ଦେବ ମୌର୍ଯ୍ୟ ବନ୍ଦାୟୁରେ ସମାଜବାଦୀ ଦଳ ସହ ଆୟୋଜିତ ଏକ ସଭାରେ ସୋନୁ ସୁଦଙ୍କୁ ଟାର୍ଗେଟ କରିଛନ୍ତି । କେଶବ କହିଛନ୍ତି, ଏବେ ସୋନୁଙ୍କ ଘରେ ରେଡ ପଡିଛି, ଆଗକୁ ସୋନୁ ବିଜେପି ପାଇଁ ପ୍ରଚାର କରୁଥିବାର ଦେଖିବାକୁ ମିଳିବ । ଏହାସହ କେଶବ କହିଛନ୍ତି, ସୋନୁଙ୍କ ଦ୍ୱାରା ପଠାଯାଉଥିବା ବସ କାରଣରୁ କରୋନା ବ୍ୟାପିଲା । ଏହାସହ କରୋନା ସଂକ୍ରମଣ ବ୍ୟାପିବା ପଛରେ ସୋନୁଙ୍କୁ ଦାୟୀ କରିଛନ୍ତି କେଶବ ।
କରୋନା କାଳରେ ସମସ୍ତ ବସ ଚଳାଚଳ ବନ୍ଦ ଥିଲା କିନ୍ତୁ ସୋନୁ ପଠାଉଥିବା ବସ ଚଳାଚଳ ପାଇଁ ଅନୁମତି ଦିଆଗଲା । ଯେହେତୁ ବସରେ କରୋନା ସଂକ୍ରମିତ ମଧ୍ୟ ଆସୁଥିଲେ ତେଣୁ ଦେଶରେ ବିଭିନ୍ନ ପ୍ରାନ୍ତରେ କରୋନା ସଂକ୍ରମଣ ବଢିଲା । ସୋନୁଙ୍କୁ ଭଗବାନ ଭାବେ ଚିତ୍ରଣ କରିବାକୁ ଏଭଳି କରାଯାଇଥିଲା କାରଣ ସେ ଆରଏସଏସ ବିଚାରଧାରର ବ୍ୟକ୍ତି । ଏବେ ତାଙ୍କ ଘର ଉପରେ ଚଢାଉ କରାଯାଉଛି । ତେଣୁ ସୋନୁ ସେତେବେଳେ ଏହି ସଙ୍କଟରୁ ରକ୍ଷା ପାଇବେ ଯେତେବେଳେ ସେ ବିଜେପି ପାଇଁ ନିର୍ବାଚନ ପ୍ରଚାର କରିବେ ।
ଏହାସହ ପ୍ରଧାନମନ୍ତ୍ରୀ ମୋଦି ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉପରେ ମଧ୍ୟ ପ୍ରବଳ ବର୍ଷିଛନ୍ତି କେଶବ । ସେ କହିଛନ୍ତି, କରୋନା କାଳରେ ସଠିକ ନିଷ୍ପତ୍ତି ନିଆଯାଇନଥିଲା । ଯାହାଦ୍ୱାରା ଦେଶରେ ଏଭଳି ପରିସ୍ଥିତି ଉପୁଜିଲା । ଏହାସହ କେଶବ ପ୍ରସାଦ ମୌର୍ଯ୍ୟଙ୍କୁ କାମଚଳା ଉପ-ମୁଖ୍ୟମନ୍ତ୍ରୀ କହିଛନ୍ତି କେଶବ ଦେବ ।