ମହାଲିଙ୍ଗ କଲେଜ ପରିଚାଳନା କମିଟିର ସାମ୍ବାଦିକ ସମ୍ମିଳନୀ । କହିଲେ, କଲେଜକୁ ଜାଣିଶୁଣି କରାଯାଉଛି ବଦନାମ । କଲେଜର ମାଲିକ ନୁହେଁ ଗୋବିନ୍ଦ ସାହୁ ।
କନକ ବ୍ୟୁରୋ: ମମିତା ମେହେର ମୃତ୍ୟୁ ଘଟଣାରେ ଚର୍ଚ୍ଚାକୁ ଆସିଥିବା ମହାଲିଙ୍ଗ କଲେଜର ପରିଚାଳନା କମିଟି ପକ୍ଷରୁ ଆଜି କରାଯାଇଛି ସାମ୍ବାଦିକ ସମ୍ମିଳନୀ । ଏହି ପ୍ରେସମିଟରେ ପରିଚାଳନା କମିଟିର ସଦସ୍ୟ କଲେଜକୁ ଜାଣିଶୁଣି ବଦନାମ କରାଯାଉଥିବା ଅଭିଯୋଗ ଆଣିଛନ୍ତି । ଖାଲି ସେତିକି ନୁହେଁ, ଏହି କଲେଜର ମାଲିକ ଗୋବିନ୍ଦ ସାହୁ ନୁହେଁ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାଙ୍କ କହିବା ମୁତାବକ, ମହାଲିଙ୍ଗ କଲେଜ ହେଉଛି ଏକ ସାଧାରଣ କଲେଜ । ସମ୍ବଲପୁର ବିଶ୍ୱବିଦ୍ୟାଳୟ ଅଧିନରେ ଏହାର ସମସ୍ତ କାଗଜପତ୍ର ରହିଛି । ଏହି କଲେଜର ମାଲିକ ଗୋବିନ୍ଦ ସାହୁ ବୋଲି ଯେଉଁ ଖବର ପ୍ରକାଶ ପାଉଛି ତାହା ଭୁଲ ବୋଲି ସେମାନେ କହିଛନ୍ତି । ତା ସହିତ ଗୋବିନ୍ଦ ସାହୁ ସ୍କୁଲର ମାଲିକ, କଲେଜର ନୁହେଁ । ସ୍କୁଲରେ ଯାହା ହେଲା ସେନେଇ କଲେଜର କୌଣସି ସଂପୃକ୍ତି ନାହିଁ ବୋଲି ପରିଚାଳନା କମିଟି ପକ୍ଷରୁ କୁହାଯାଇଛି ।
କଲେଜକୁ ୧୦ ବର୍ଷ ହୋଇସାରିଲାଣି । ଏହି ସମୟ ଭିତରେ ପ୍ରାୟ ୫ ହଜାର ପିଲା କଲେଜରୁ ପାସ୍ କରିସାରିଲେଣି । ହେଲେ ଏପର୍ଯ୍ୟନ୍ତ କୌଣସି ଛାତ୍ର କଲେଜ ନେଇ କୌଣସି ଅଭିଯୋଗ ଆଣିନାହାଁନ୍ତି । ତା ସହିତ କଲେଜର ଷ୍ଟୋର ରୁମକୁ ଗୁପ୍ତ କଠୋରୀ ବୋଲି କହି ବଦନାମ କରାଯାଉଛି । ଏହି ଷ୍ଟୋର ରୁମରେ ପୁରୁଣା ଚେୟାର ରଖାଯାଇଛି । କିଛି ଗଣମାଧ୍ୟମରେ ଏହି ଷ୍ଟୋର ରୁମକୁ ଗୁପ୍ତ କଠୋରୀ ଓ ରଙ୍ଗମହଲ ବୋଲି କୁହାଯାଉଛି । ଯାହାକି ସମ୍ପୂର୍ଣ୍ଣ ଭାବେ ମିଛ ଖବର ବୋଲି ମହାଲିଙ୍ଗ କଲେଜ ପରିଚାଳନା କମିଟି ପକ୍ଷରୁ କୁହାଯାଇଛି ।