ମଧ୍ୟପ୍ରଦେଶରେ ‘ବ୍ୟାଟକାଣ୍ଡ’ ପରେ ଏବେ ଘନେଇଲା ‘ୱିକେଟ୍ କାଣ୍ଡ’ ! ଏବେ ଆଉ ଜଣେ ଅଫିସରଙ୍କୁ ୱିକେଟରେ ପିଟି ଚର୍ଚ୍ଚାରେ ବିଜେପି ନେତା , ଦେଖନ୍ତୁ ଭିଡିଓ 

142

ମଧ୍ୟପ୍ରଦେଶ ଇନ୍ଦୋର ନଗର ନିଗମ କର୍ମଚାରୀଙ୍କ ଉପରେ ବିଜେପି ନେତା କୈଳାଶ ବିଜୟ ବର୍ଗୀୟଙ୍କ ବିଧାୟକ ପୁଅ ବ୍ୟାଟ୍ ମାରିବା ଘଟଣା ଏବେ ଯାଏଁ ଥଣ୍ଡା ପଡିନଥିବା ବେଳେ ବିଜେପିର ଆଉ ଏକ ଅଧିକାରୀଙ୍କ ମାରପିଟର ଖବର ଏବେ ମୁଣ୍ଡ ଟେକିଲାଣି । ଏହି ମାମଲାଟି ସତନାର ରାମନଗରର । ଏଠାକାର ମୁଖ୍ୟ କାର୍ଯ୍ୟପାଳକ ଅଧିକାରୀଙ୍କୁ ଗମ୍ଭୀର ଅବସ୍ଥାରେ ଚିକିତ୍ସା ପାଇଁ ରିବା ହସ୍ପିଟାଲ୍ ରେ ଭର୍ତ୍ତି କରାଯାଇଛି । ମାରପିଟକୁ ରୋକିବାକୁ ଚେଷ୍ଟା କରୁଥିବା ୧୨ ରୁ ଅଧିକ କାଉନସିଲର ମଧ୍ୟ ମାଡ଼ ଖାଇଛନ୍ତି ଯେଉଁଥିରେ ୩ ଜଣ ମହିଳା ମଧ୍ୟ ରହିଛନ୍ତି । ତାଙ୍କ ଅପରାଧ ଏତିିକି ଥିଲା ଯେ ସେ ଅଧ୍ୟକ୍ଷଙ୍କ କୋଟି କୋଟି ଟଙ୍କାର ଘୋଟାଲା ବିରୋଧରେ ଅଭିଯୋଗ କରିଥିଲେ । ବର୍ତ୍ତମାନ ଅଧ୍ୟକ୍ଷ ୮ କୋଟି ଟଙ୍କାର ଘୋଟାଲା ମାମଲାରେ ଜାମିନରେ ଆସିଛନ୍ତି । ରାମନଗର ପରିଷଦରେ ହଡକମ୍ପ ସେତେବେଳେ ହୋଇଥିଲା ଯେତେବେଳେ ଅଧ୍ୟକ୍ଷ ରାମସୁଶୀଲ ପଟେଲ ନିଜ ସମର୍ଥକଙ୍କୁ ନେଇ ସିଏମଓ ଦେବରତ୍ନ ସୋନୀଙ୍କ ଚ୍ୟାମ୍ଭରରେ ପଶି ଖୁବ୍ ପିଟିଥିଲେ । ଏଥିରେ ଦେବରତ୍ନ ସୋନୀଙ୍କୁ ବଞ୍ଚାଇବାକୁ ଯାଇ ଅନେକ କାଉନସିଲର୍ ମାଡ ଖାଇଥିଲେ । ବୈଠକରେ ପୂର୍ବରୁ ପ୍ରଧାନମନ୍ତ୍ରୀ ଆବାସ ଘୋଟାଲାର ଜାଞ୍ଚ୍ ର ବିଷୟ ଗରମ ହୋଇରହିଥିଲା ଯେଉଁଠି ଅଧ୍ୟକ୍ଷଙ୍କ ଉପରେ ନକଲ ଜାଞ୍ଚ୍ ଚାଲିଥିଲା ।

R

ଶୁକ୍ରବାର ରାମନଗର ପରିଷଦରେ ପି ଆଇ ସିଙ୍କ ବୈଠକ ପୂର୍ବରୁ ଅଧ୍ୟକ୍ଷ ରାମ୍ ସୁଶୀଲ୍ ପଟେଲ୍ ନିଜ ସମର୍ଥକଙ୍କ ସହ ସିଏମଓଙ୍କ ଉପରେ ୱିକେଟରେ ଆକ୍ରମଣ କରିଥିଲେ । ଘଟଣାର ୨ ଘଣ୍ଟା ପରେ ପୋଲିସ୍ ସେଠାରେ ପହଁଚି ଥିଲା । ତେବେ ପୋଲିସ୍ ରାମସୁଶୀଲ୍ ପଟେଲଙ୍କ ଉପରେ ଆଇପିସି ଧାରା ୩୫୩,୩୩୨,୨୯୪,୫୦୬ ବି/୩୪ ଅନୁସାରେ ଗିରଫ କରିଛନ୍ତି ।